Die 8ste Cannes-rolprentfees is van 26 Maart - 10 April1955 in Cannes, Frankryk, gehou.[1] Die Palme d'Or is toegeken aan Marty deur Delbert Mann.[2] Die fees is geopen met Du rififi chez les hommes deur Jules Dassin[3] en afgesluit met Carmen Jones deur Otto Preminger. Die Franse skrywer en regisseur Marcel Pagnol was die president van die jurie.
Die wispelturige manier waarop pryse tot in 1954 toegeken is, het baie kritiek ontlok en van 1955 af het die jurie bestaan uit buitelandse sterre uit die rolprentbedryf.[4] In 1955 is die Palme d'Or die eerste keer as die hoogste prys op die fees toegeken.
Pryse
Marcel Pagnol, president van die jurie.
Van die mense en prente wat in 1955 pryse ontvang het, is:[5]
Palme d'Or: Marty deur Delbert Mann
Beste regisseur: Jules Dassin vir Du rififi chez les hommes en Sergei Vasilyev vir Heroes of Shipka (Geroite na Shipka)
Beste akteur of aktrise: Spencer Tracy vir Bad Day at Black Rock
Jurieprys: Lost Continent deur Leonardo Bonzi, Mario Craveri, Enrico Gras, Angelo Francesco Lavagnino en Giorgio Moser
Beste dramatiese rolprent: East of Eden deur Elia Kazan
