PROFILPELAJAR.COM

28 Junie is die 179ste dag van die jaar in die Gregoriaanse kalender (180ste in ’n skrikkeljaar). Daar volg nog 186 dae in die res van die jaar.

Gebeure

767 – Teenpous Constantinus II word deur sy broer Toto op die pouslike troon gesit.
1243 – Pous Innocentius IV volg Pous Celestinus IV op.
1519 – Karel V verkies as keiser van die Heilige Romeinse Ryk.
1635 – Guadeloupe word ’n Franse kolonie.
1778 – Slag van Monmouth Court House; Molly Picher kry haar bynaam.
1838 – Koningin Victoria gekroon.
1887 – Minot, Noord Dakota, word ingelyf as ’n stad.
1894 – Werkersdag (Engels: Labor Day) word ’n amptelike VSA vakansiedag.
1914 – Aartshertog Frans Ferdinand en sy gemalin Sophie word in Sarajevo deur sluipmoordenaar Gavrilo Princip geskiet.
1919 – Die Verdrag van Versailles word onderteken wat die einde van die Eerste Wêreldoorlog aangedui het.
1950 – Seoul word deur troepe van Noord Korea ingeneem.
1960 – Amerikaanse olierafinaderye in Kuba word genasionaliseer.
1967 – Israel annekseer Oos-Jerusalem.
1977 – Die Verenigde Party van Suid-Afrika word ontbind.
2007 – Sydney-operahuis word 'n UNESCO-wêrelderfenisgebied.
2011 – Die Hubble-ruimteteleskoop ontdek die vierde natuurlike satelliet van die dwergplaneet Pluto, Kerberos.

Geboortes

1476 – Gian Pietro Carafa (later Pous Paulus IV) († 1559).
1491 – Hendrik VIII, koning van Engeland († 1547).
1577 – Peter Paul Rubens, Vlaamse skilder († 1640).
1703 – John Wesley, Britse teoloog, stigter van Metodisme († 1791).
1712 – Jean-Jacques Rousseau, Switserse filosoof († 1778).
1787 – Sir Harry Smith, Britse goewerneur en hoë kommissaris aan die Kaapkolonie († 1860).
1846 – Willem Eduard Bok, Transvaalse staatsekretaris, na wie Boksburg genoem is († 1904).
1867 – Luigi Pirandello, Italiaanse dramaturg en ontvanger van die Nobelprys vir Letterkunde , 1934 († 1936).
1883 – Pierre Laval, voormalige eerste minister van Frankryk († 1945).
1906 – Maria Goeppert-Mayer, Duits-gebore Amerikaanse teoretiese fisikus en Nobelpryswenner in Fisika († 1972).
1918 – Cyriel Paul Coupé, Belgiese priester, onderwyser, skrywer en digter († 1998).
1926 – Mel Brooks, Amerikaanse akteur, regisseur rolprentvervaardiger en skrywer.
1932 – Pat Morita, Amerikaanse akteur († 2005).
1942 – Chris Hani, vermoorde Suid-Afrikaanse kommunis († 1993).
1948 – Kathy Bates, Amerikaanse aktrise.
1952 – Elize Cawood, Suid-Afrikaanse aktrise († 2020).
1957 – Annelie Botes, Afrikaanse roman-, kortverhaal- en rubriekskrywer († 2024).
1964 – Sabrina Ferilli, Italiaanse aktrise.
1965 – Tiaan Strauss, Suid-Afrika se drie-en-veertigste Springbokkaptein.
1971 – Elon Musk, Suid-Afrikaansgebore internet- en ruimtelanseringsentrepreneur; woon tans in die VSA.
1979 – Florian Zeller, Franse romansier, dramaturg, draaiboekskrywer en filmregisseur.
1995 – Demi-Leigh Nel-Peters, Mej. Suid-Afrika en Mej. Heelal 2017.
2009 – Laurel Griggs, Amerikaanse kinderaktrise († 2019).