Blanknberge (officieel Nederlands: Blankenberge) is e stad in West-Vloandern. 't Is ein van de populairste en drukste plekkn an de Vlamsche Kust. Der weunn byna 20.000 menschn. In 't hoogsizoen legt den NMBS speciale trings in vo de touriestn.
't Strange met e lengte van 3,3 km. In de zomer kun je cabientjes, ligzetels en parasols heurn.
De zêedyk met drie stêenn trappn, de Bakkersstroatetrap, de Kerkstroatettrap en de Weststroatetrap.
De jachthoave, de vroegere visschershoave.
De twi estacades woa dat de voargeule tusschen lopt. Ze zyn vernield gewist deur de Duutschers ip 't ende van WO2 en volledig herbouwd. 't Oôsterstaketsel begun joarn 1950 in hout en 't westerstaketsel begun joarn '70 in betong.
De Piere, 'n uniek bouwwerk met e wandelbrugge in de zeie van 350 m lank.
Carnaval wordt in Blanknberge styf gevierd. De zundag vo de vastn trekt de carnavalstoet deur de stroatn, de moandag is 't kiendercarnavalstoet en biertente ip de markt, den diesendag de Vule Jeanettestoet en ip vastnoavend carnavalambiance in de stroatn van Blanknberge en surtout in de cafés.
Blanknbergs is e toale die nieverans anders gesprookn wordt, zelfs nie in de gemeêntn d'r round. 't Wordt bykans alleine nog deur d'oudere menschn geklapt. E Blanknbergenoare noemt Blanknberge: 't steedje. Der zyn vele touriestn die under oudn dag an de zeie deure briengn, in Blanknberge vreindig vele Antwerpenoars. Die nieuwe Blanknbergenoars wordn angespoeldn genoemd.
'k zien vreijndeg blieje van als oede blankenbergenoare me stintje te kunn biedroagnn an da pragteg ienietiejatief!
Gomme ekki telnn int blankenbergs?
-ijjen
-twijje
-drieje
-viejre
-vuuve
-zesse
-zeevnn
-agte
-neegnn
-tiejne.
Vala zo moeijlik is da nu tog nie ee!
Nu e klin bitje verder.
-twienteg
-derteg
-vijrteg
-fifteg
-tjesteg
-tjeventeg
-tagenteg
-neegenteg
-oenderd.
k'gon der mee stopnn voe vandoage, kowren de kazaknn schuufelnn ip 'tgazeviejr.
.svg){kind=small}
