Article primièr de la Declaracion dels Dreches de l'òme en napolitan:
Tutte ll'uommene nasceno libbere e cu' eguale dignità e deritte; teneno raggione e cuscienza e hann'a operà ll'uno cu' ll'ato cu' nu spirito 'e fratellanza.
Mapa
Lo napolitan (en napolitan: napulitano[napuliˈtɑːnə]; en italian: napoletano) es una lenga romanica parlada a Nàpols e dins sa region, Campània, e mai dins d'unas regions vesinas. Una lei de la region de Campània del 14 d'octobre de 2008 reconeguèt lo napolitan coma lenga de protegir.
Qualques fonts, coma Ethnologue, incluson dins lo meteis grop lingüistic napoletanocalabrés [1] los dialèctes del sud de Laci, del sud de Marchas, Abruç, Molise, Basilicata, del nòrd de Calàbria, e del nòrd e del centre de Polha, çò qu'amassariá aperaquí 7 milions de locutors natius teorics.
Dialèctes
Dialèctes napolitans
Los dialèctes napolitans son presents dins una granda part de l'Itàlia del Sud continentala, istoricament units a l'epòca del Reialme de Nàpols e del Reialme de las Doas Sicílias, e incluson a mai del napolitan pròpriament dich, l' irpino, lo cilentano, l' ascolano, lo teramano, l'abrucés oriental adriatic, l' abrucés occidental, lo molisano, lo dauno-appenninico, lo garganico, l' apulobarese, lo lucano, e lo cosentino.
