Aquesta seccion es voida, pas pro detalhada o incompleta. Vòstra ajuda es benvenguda !
Istòria
Vista de l'aqüeducte
La preséncia del pont-aqüeducte, dont las fondacions poirián datar del sègle III apC (220-270), permet de supausar una preséncia romana. Mantuna moneda anciana es estada retrobada, datant sustot de la Narbona pre-romana, aital coma un denièr de 46 abC.
La glèisa pre-romanica, situada al lòcdich « lo Molin » (près del confluent de l'Aglin e de la Desix), marca l'ancian emplaçament del vilatge. Sa construccion data dels alentorns del sègle IX o del sègle X. Es dedicada a Sant Nasari e Sant-Celse. Los abitants se son desplaçats sus la sèrra, a qualques centenas de mètres, per evitar sembla los aigats repetits del riu pròche. Una pòrta fortificada romanica, marca d'una anciana fortificacion, situa la naissença del vilatge novèl a l'entorn del sègle XIII.
Del sègle XIV fins a la Revolucion, la familha del Vivièr possedís la màger part del territòri. Après Antoine del Vivièr, Pierre del Vivièr es senhor d'Ansinhan en 1503. Puèi en 1750, es al torn del sénher de Ròcafòrt del Vivièr, degan del capítol de Sant Pau de Fenolhet.
.svg){kind=small}