Verdscupen i skiskyting 2004 tok til 4. desember 2003 og vart avslutta 4. mars 2004. Turneringa omfatta 26 individuelle tevlingar for begge kjønn. Renna fann stad i Kontiolahti i Finland, Hochfilzen i Austerrike, Osrblie i Slovakia, Pokljuka i Slovenia, Ruhpolding og Oberhof i Tyskland, Antholz i Italia, Lake Placid og Fort Kent i USA, Oslo i Noreg.

Dei mannlege utøvarane tevla i tre 20 km normalprogram, ni stk 10-kilometer sprint, sju jaktstartar à 12,5 km og fire 15 km-lange fellesstartar. I tillegg vart det arrangert fire stafettar over 4 x 7,5 km. Kvinnene tevla i tre 15 km normalprogram, ni stk 7,5 km sprint, sju jaktstartar à 10 km og fire fellesstartar à 12,5 kilometer. Dessutan vart det arrangert fire stafettar over 4 x 6 km.

Ekteparet Raphaël Poirée frå Frankrike og Liv Grete Skjelbreid frå Noreg sigra i kvar si verdscup-turnering. Det var Poirées fjerde og siste sesong-triumf i verdscupen. Av karane kom Ole Einar Bjørndalen på andreplass i verdscupen, som året før la tyske Ricco Gross beslag på tredjeplassen. Av kvinnene var russiske Olga Pyljova den nestbeste, medan franske Sandrine Bailly vart nummer tre samanlagt.

Plass	Utøvar	Land	Poeng	Sigrar
1	Raphaël Poirée	Frankrike	1010	11
2	Ole Einar Bjørndalen	Noreg	901	5
3	Ricco Gross	Tyskland	768	1
4	Halvard Hanevold	Noreg	688	2
5	Lars Berger	Noreg	589	3
6	Sergej Rozjkov	Russland	578	1
7	Tomasz Sikora	Polen	516
8	Frode Andresen	Noreg	514
9	Sven Fischer	Tyskland	512	2
10	Vladimir Dratsjov	Belarus	503
11	Stian Eckhoff	Noreg	492
12	Egil Gjelland	Noreg	436
13	Michael Greis	Tyskland	433
14	Nikolaj N. Kruglov	Russland	390
15	Sergej Konovalov	Russland	387
16	Sergej Tsjepikov	Russland	371	1
17	Vincent Defrasne	Frankrike	367
18	Peter Sendel	Tyskland	346
19	Pavol Hurajt	Slovakia	304
20	Janez Marič	Slovenia	303
21	Ludwig Gredler	Austerrike	303
22	Oleg Ryzjenkov	Belarus	280
23	Ferréol Cannard	Frankrike	218
24	Carl Johan Bergman	Sverige	210
25	Marko Dolenc	Slovenia	209

Plass	Utøvar	Land	Poeng	Sigrar
1	Liv Grete Skjelbreid	Noreg	955	7
2	Olga Pyljova	Russland	860	6
3	Sandrine Bailly	Frankrike	788	4
4	Uschi Disl	Tyskland	733	3
5	Anna Bogalij	Russland	687	2
6	Martina Glagow	Tyskland	659	1
7	Katrin Apel	Tyskland	652
8	Kati Wilhelm	Tyskland	561
9	Olena Zubrilova	Ukraina	543	1
10	Olga A. Zajtseva	Russland	489
11	Svetlana Isjmuratova	Russland	479
12	Simone Denkinger	Tyskland	479
13	Gunn Margit Andreassen	Noreg	455
14	Jekaterina Dafovska	Bulgaria	437
15	Albina Akhatova	Russland	421
16	Liu Xianjing	Kina	359
17	Jekaterina Ivanova	Kviterussland	358
18	Christelle Gros	Frankrike	325
19	Olga V. Nazarova	Belarus	311
20	Michela Ponza	Italia	305
21	Irina Nikultsjina	Bulgaria	295
22	Kateřina Holubcová	Tsjekkia	265
23	Magdalena Gwizdoń	Polen	252
24	Natalja Guseva	Russland	250	1
25	Anna Carin Olofsson	Sverige	236
26	Linda Tjørhom	Noreg	235	1
27	Gro Marit Istad Kristiansen	Noreg	224