Stax Records er eit USA-amerikansk plateselskap, opphavleg basert i Memphis i Tennessee.
Det vart skipa i 1957 som Satellite Records, men endra namn i 1961 til Stax Records.
Namnet på selskapet er sett saman av namna til dei to grunnleggjarane, syskenparet Jim Stewart og Estelle Axton (STewart og AXton = Stax).[1]
Selskapet var ein stor faktor i utviklinga av Southern soul- og Memphis soul-stilen. Stax gav òg ut gospel, funk, jazz og blues. Dei var kjende for dei mange [[afroamerikanarar>afroamerikanske]] artistane sine, men vart grunnlagd av to kvite sysken. Både banda og dei tilsette i selskapet bestod av både kvite og svarte amerikanarar, som husbandet til selskapet, Booker T. & the M.G.'s, i ei tid då det framleis var rasestridar og spaningar i Memphis og Sørstatane.[1]
Etter at den største stjerna på Stax, Otis Redding, døydde i 1967, og selskapet reiv seg laus frå distribusjonsavtalen sin med Atlantic Records i 1968, fortsette Stax hovudsakleg under den nye medeigaren, Al Bell.[1] Dei neste fem åra utvida Bell drifta til selskapet, for å konkurrere med hovudrivalen til Stax, Motown Records i Detroit. I midten av 1970-åra førte fleire faktorar, mellom anna ein problematisk distribusjonsavtale med CBS Records, til at selskapet vart insolvent og måtte leggjast ned seint i 1975.[1]
I 1977 fekk Fantasy Records tak i Stax-katalogen frå etter 1968 og utvalde innspelinga frå før 1968. Frå og med 1978 byrja Stax (no eigd av Fantasy) å signere nye artistar og gje ut ny musikk, i tillegg til at dei gav ut tidlegare Stax-musikk. Tidleg i 1980-åra stoppa dette opp og dei neste to tiåra var Stax i røynda berre eit selskap som gav ut tidlegare innspelingar.
Etter at Concord Records kjøpte Fantasy i 2004, vart Stax-etiketten reaktivert og vert i dag nytta til å gje ut både musikk frå katalogen frå 1968-1976 og nyare innspelingar av moderne R&B- og soul-artistar. Atlantic Records eig framleis rettane til det meste av Stax-musikk frå 1959 til 1968.[1]
Artistar på Stax
Atlantic Records-tida (1957–1968)
- Booker T. & the M.G.'s
- Gus Cannon
- The Astors
- Rufus Thomas
- Wendy Rene
- Otis Redding (Volt)
- Carla Thomas (Satellite, Atlantic, så Stax)
- The Mar-Keys (Satellite, så Stax)
- The Mad Lads (Volt)
- Ruby Johnson (Volt)
- Mable John
- Sam & Dave (signert for Atlantic, spelte inn i Stax, gjevne ut av Stax i ein avtale med Atlantic fram til 1968)
- Eddie Floyd (Safice, Atlantic, så Stax)
- The Charmels (Volt)
- Johnnie Taylor
- William Bell
- The Bar-Kays (Volt)
- Albert King
- Ollie & the Nightingales (Chalice, så Stax)
- Wilson Pickett (signert med Atlantic, spelte inn for Stax)
- Don Covay (signert med Atlantic, spelte inn for Stax)
- Isaac Hayes (Enterprise)
- The Goodees (Hip)
- Christian Harmonizers (Chalice)
- Johnny Daye
- Judy Clay
- Arthur Conley (Jotis, signert med Fame/Atco, spelte inn for Stax)
- Veltones (Satellite)
- The Chips (Satellite)
|
Post-Atlantic-åra (1968–1975)
|
Concord-åra (sidan 2006)
|
Kjelder
- Denne artikkelen bygger på «Stax Records» frå Wikipedia på engelsk, den 15. august 2016.
- Rob Bowman (1997). Soulsville U.S.A: The Story of Stax Records. Prentice-Hall. ISBN 9780825672279.
- Robert Gordon (2013). Respect Yourself: Stax Records and the Soul Explosion. Bloomsbury USA. ISBN 9781596915770.
- Peter Guralnick (1986). Sweet Soul Music: Rhythm and Blues and the Southern Dream of Freedom. Back Bay Books. ISBN 0-316-33273-9.
- Mark Ribowsky (2015). Dreams to Remember: Otis Redding, Stax Records, and the Transformation of Southern Soul. Liveright. ISBN 9780871408730.
- Arnold Shaw (1978). Honkers and Shouters: The Golden Years of Rhythm and Blues. Macmillan. ISBN 0-02-061740-2.
Bakgrunnsstoff
|
---|
Viktige personar | |
---|
Store artistar (Atlantic-åra) | |
---|
Store artistar (Post-Atlantic) | |
---|
Moderne Stax-artistar | |
---|
Tilknytte artiklar | |
---|