Samisk har status som offisielt minoritetsspråk i kommunen[2] og Malå kommune inngår i forvaltningsområdet for samisk språk i Sverige.
Næringsliv
Kommunen har store skogsområde, og skogbruk og treindustri er viktige næringar. Òg reindrift vert driven her, og den sørlegaste skogssamebyen i Sverige finst i kommunen.[3]
Malå ligg i eit område med det mest interessante mineralfeltet i Nord-Europa for utvinning av gull, sink og kopar, og gruvedrift er ei viktig næring i kommunen. Sveriges geologiska undersökning har mineralinformasjonskontoret sitt i Malå, som mellom anna har eit borekjernearkiv med 3,5 millionar meter med borekjernar frå heile Sverige.[4]
