Kristin Asbjørnsen
Statsborgarskap	Noreg
Fødd	12. mai 1971 (53 år) Lillehammer kommune
Yrke	komponist, songar, jazzmusikar
Språk	norsk
Medlem av	Dadafon, Krøyt, Kvitretten, Tord Gustavsen Ensemble
Nettstad	http://www.kristinsong.com
Kristin Asbjørnsen på Commons

Kristin Asbjørnsen (fødd 12. mai 1971) er ein norsk jazzvokalist.

Kristin Asbjørnsen har teke utdanning på jazzlinja ved Trøndelag Musikkonservatorium, Norges Musikkhøgskole og Universitetet i Oslo. Ho har mange ulike musikalske prosjekt bak seg. På nittitalet var Kristin Asbjørnsen med i vokalgruppa Kvitretten, og ho er framleis med i gruppene Dadafon og Krøyt. Ho har gjeve ut plater både saman med desse gruppene, og elles samarbeidt med t.d. Ketil Bjørnstad og Tord Gustavsen. Med Dadafon og Krøyt har Asbjørnsen vore med på å vinna både Alarmprisen og Spellemannprisen.

Ho debuterte som soloartist med Wayfaring Stranger i 2006. På eiga hand vann Kristin Asbjørnsen Gammleng-prisen i klassen jazz i 2000, og Spellemannprisen 2009 i open klasse for plata The Night Shines Like the Day.

Kristin Asbjørnsen opptrer oftast berrføtt. Ho har uttalt at det er fordi ho likar å få fotfeste, og at ho kjenner seg nervøs når ho har på seg sko. ^[1]

• Wayfaring Stranger - a Spiritual Songbook (2006)
• Factotum (2006)
• The Night Shines Like the Day (2009)

• «Kristin_Asbjørnsen» i Store norske leksikon, snl.no.
• Bokmålswikipedia om Kristin Asbjørnsen, henta inn 17. februar 2011.
• Engelsk biografi på Kristin Asbjørnsen si nettside.