«Hey Hey What Can I Do» er ein song av det engelske rockebandet Led Zeppelin gjeven ut som B-sida til «Immigrant Song» i 1970. Det er den einaste songen Led Zeppelin gav ut medan bandet eksisterte som ikkje kom ut på eit album. Han vart derimot gjeven ut på samleplata The New Age of Atlantic med forskjellige artistar i Storbritannia i 1972, der singelen ikkje vart gjeven ut. Songen vart sidan gjeven ut i plateboksen Led Zeppelin i 1990 og i 1993 vart han gjeven ut på The Complete Studio Recordings, ei samling på 10 CDar, samt som ein av fire bonusspor på ei utgåve av Coda.

• Robert Plant - vokal
• Jimmy Page - mandolin, gitarar
• John Paul Jones - bassgitar, akustisk gitar
• John Bonham - trommer

Fleire andre band har òg spelt inn songen:

• Jimmy Page og The Black Crowes spela songen under turneen deira i 2000 og dette kom ut på albumet Live at the Greek.
• The Hold Steady
• Hootie & the Blowfish
• Dread Zeppelin
• Robert Plant spela songen på turneen sin i lag med Alison Krauss i april og mai 2008.
• Weinland