«Give That Wolf a Banana» (norsk omsetjing 'gje den ulven ein banan') er ein norsk elektropopsong frå 2022 som vert framført av duoen Subwoolfer. Songen vart gjeven ut 10. januar 2022 og vann Melodi Grand Prix 2022. Songen er skriven av duoen sjølv, under pseudonyma «Jim» og «Keith», saman med DJ Astronaut.
Songen vann finalen i Melodi Grand Prix 2022 og var dimed det norske bidraget til Eurovision Song Contest 2022 i Torino i Italia.[1]
Om songen
«Give That Wolf a Banana» er ein festlåt innan elektropop- og EDM-sjangaren. Songen vart sloppen 10. januar 2022 som ein av finalistane i Melodi Grand Prix 2022.[2] Låten vert framført av den anonyme popduoen Subwoolfer. Dei har skrive låten saman med «DJ Astronaut». Identiteten til dei tre opphavspersonane er ukjend.[3][4] Duoen opptredde fyrste gongen offentleg med låten under den fjerde delfinalen av Melodi Grand Prix 5. februar 2022. Duoen skulle ha opptredd ei veke tidlegare, men måtte utsetje på grunn av koronasykdom.[5]
«Give That Wolf a Banana» var ein av ti finalistar til finalen i Melodi Grand Prix 2022. Songen var det niande bidraget på scena og var på førehand den største favoritten til å vinne tevlinga.[6] På finaledagen hadde songen ein vinnarsjanse på 55 prosent.[7] Songen vann gullfinalen over «Someone» av NorthKid og vart dimed det norske bidrag til Eurovision Song Contest 2022 i Torino i Italia i mai.
Den 11. februar 2022 gav Subwoolfer ut ein eigen valentines-versjon av songen, kalla «Give That Wolf a Romantic Banana».[8]
Listeplasseringar
Kjelder