«Dukkemann» er ein song av Torill Ravnaas og Kirsti Sparboe, gjeven ut i 1967. Songen er skriven av Tor Hultin og Ola B. Johannessen.

«Dukkemann» deltok i Melodi Grand Prix 1967, den norske uttakinga til Eurovision Song Contest 1967 i Wien i Austerrike. Songen vart framført på norsk av Torill Ravnaas med eit lite orkester, og så på nytt av Kirsti Sparboe med eit stort orkester. Bidraget vann med 24 poeng; fem frå Ålesund, tre frå Bergen, Hamar og Oslo, to frå Tromsø, Bodø, Kristiansand og Fredrikstad og eitt frå Trondheim og Stavanger.^[1][2]

«Dukkemann»
Eurovision Song Contest 1967
Land	Noreg
Artist(ar)	Kirsti Sparboe
Medverkande	Øivind Bergh (dirigent)
Språk	Norsk
Komponist(ar)	Tor Hultin
Låtskrivar(ar)	Ola B. Johannessen
Resultat
Finalepoeng	2
Finaleplass	14
Noreg i Eurovision Song Contest
«Intet er nytt under solen» (1966) «Dukkemann» «Stress» (1968)

Etter sigeren i Melodi Grand Prix 1967 fekk «Dukkemann» representere Noreg i Eurovision Song Contest 1967. Kirsti Sparboe framførte songen på norsk, og enda på 14. plass med to poeng; eitt frå Nederland og eitt frå Sverige. Øivind Bergh var dirigent.