Brian Ahern fødd 1945 er ein kanadisk plateprodusent og gitarist. Han har produsert album for ei rekkje artistar, inkludert 12 album for Anne Murray, 11 album for Emmylou Harris (som han var gift med i sju år), og plater for Johnny Cash, Willie Nelson, George Jones, Roy Orbison, Glen Campbell, Don Williams, Jesse Winchester og Linda Ronstadt.^[1] Ahern vart innlemma i Canadian Country Music Hall of Fame i 2006 i Saint John i New Brunswick.^[2] Han fekk æresprisen for produsentar og lydteknikarar under Americana Music Association-prisutdelinga i Ryman Auditorium i Nashville i 2010. Prisen vart utdelt av den tidlegare kona Emmylou Harris og musikaren Rodney Crowell.^[3]

Ahern vart kjend for platestudioet sitt, Enactron Truck, der han produserte over 40 gull- og platinaplater (inkludert Bette Midler sitt The Rose og Barbra Streisand sitt A Star Is Born).^[4]