Bigga
Geografi
Stad	Nordsjøen
Koordinatar	60°30′N 1°11′W / 60.50°N 1.19°W / 60.50; -1.19
Øygruppe	Shetlandsøyane
Areal	0,78 km²
Høgaste punkt	34 moh.
Administrasjon
Land	Skottland
Region	Shetlandsøyane
Demografi
Folketal	0

Bigga er ei folketom øy i Sound of Yell mellom Mainland og Yell i Shetlandsøyane i Skottland.

Øya er like over 1000 meter lang og har eit areal på 78 hektar. Det høgaste punktet ligg 34 meter over havet. Bigga er ei lang, tynn øy med eit «hovud» og ein «kropp». Nakken er forma av buktene Wester Hevda Wick og Easter Hevda Wick.

Øya er delt mellom sokna Delting og Yell.^[1]

Berggrunnen på Bigga består av gneis og kvartsitt.^[2]

Ein trur at namnet på øya kjem frå det norrøne bygdey som tyder «bygningsøya», og kan vise til eit gammalt bygg på øya.

Sør på øya ligg ein gammal brønn, eit kapell og ein gravplass. Det står ein liten førhistorisk varde nord på øya. Nord på øya ligg òg restane av den gamle busetnaden på øya, Norrabister.

«Pribislaw», eit 160 år gammalt tysk fartøy, gjekk på grunn her i 1870. Skipet vart flytta til Lerwick og nytta som lager og verkstad i 1950-åra.