Soccer City, magħruf preċedentament bħala FNB Stadium, huwa stadju li jinsab fiż-żona ta' Soweto f'Johannesburg, l-Afrika t'Isfel. Dan il-grawnd, li ġie inawgurat fl-1989, huwa wieħed mill-istadji prinċipali tal-federazzjoni tal-futbol Sud-Afrikana, b'91,141 post.

Kien f'dan il-post li sar l-ewwel diskors ta' Nelson Mandela f'Johannesburg wara l-ħelsien tiegħu mill-ħabs, u kif ukoll is-sit fejn sar il-funeral ta' Chris Hani.^[1]

Il-grawnd ta' Soccer City għadda minn ristrutturazzjoni kbira minħabba t-Tazza tad-Dinja tal-Futbol 2010, li kienet se ssir fl-Afrika t'Isfel. Dan ingħata disinn ġdid, ispirat minn borma tipikament Afrikana. Barra minn hekk, il-kapaċità tal-istadju kibret minn 80,000 għal 91,141, biex sar l-ikbar stadju fil-kontinent Afrikan. Il-kostruzzjoni tkompla nhar il-21 ta' Ottubru 2009, u ġie mmarkat permezz ta' ċelebrazzjoni kbira fil-grawnd stess.

Dan huwa wieħed mill-għaxar stadji magħżula għal dan l-avveniment importanti, fejn fost il-ħafna partiti li se jospita, se jkun hemm il-partita inawgurali bejn l-Afrika t'Isfel u l-Messiku u l-finali tant mistennija tal-11 ta' Lulju 2010.

Data	Ħin (UTC+2)	Tim 1	Riżultat	Tim 2	Rawnd	Attendenza
11 ta' Ġunju 2010	16.00	Afrika t'Isfel	1–1	Messiku	Grupp A (partita tal-ftuħ)	84,490
14 ta' Ġunju 2010	13.30	Netherlands	2–0	Danimarka	Grupp E	83,465
17 ta' Ġunju 2010	13.30	Arġentina	4–1	Korea t'Isfel	Grupp B	82,174
20 ta' Ġunju 2010	20.30	Brażil	3–1	Kosta tal-Avorju	Grupp Ġ	84,445
23 ta' Ġunju 2010	20.30	Gana	0–1	Ġermanja	Grupp D	83,391
27 ta' Ġunju 2010	20.30	Arġentina	3–1	Messiku	L-Aħħar Sittax	84,377
2 ta' Lulju 2010	20.30	Urugwaj	1–1 (4–2 pen.)	Gana	Kwarti tal-finali	84,017
11 ta' Lulju 2010	20.30	Netherlands	0–1	Spanja	Finali	88,493

Wikimedia Commons għandha fajls multimedjali li għandhom x'jaqsmu ma': Soccer City

• Sit uffiċjali
• Dehra 360°