Alfred Steinmetzer
Erënnerungsplack op der Buerg Veianen
Gebuer	2. Februar 1918
Gestuerwen	31. Mee 2007
Nationalitéit	Lëtzebuerg
Aktivitéit	Moler, Geodet
Famill
Kanner	Christiane Steinmetzer, Marianne Steinmetzer

Den Alfred Steinmetzer, gebuer den 2. Februar 1918 zu Rouspert, a gestuerwen den 31. Mee 2007 zu Lëtzebuerg, war e lëtzebuergesche Kënschtler a Geodet an eng bedeitend Perséinlechkeet vum Monumenteschutz zu Lëtzebuerg.

Hien huet sech fir d'Erhalen an d'Revalorisatioun vum Lëtzebuerger Patrimoine am Allgemengen a vun de Buergen a Schlässer, am Speziellen, agesat.

Hie war awer och e bedeitende Moler, dee bei de Professere Wirion a Reckinger an op der Akademie zu München studéiert hat.

Hie war bestuet a Papp vun der Christiane Steinmetzer^[1] a vun der Marianne Steinmetzer.

• 1938: Premiere am Iechternacher Kolléisch
• 1938/1939: Studium vu Geodesie a Konschtgeschicht zu Bonn
• 1943: Studien op der Konschtakademie an an enger privater Molereischoul zu München

• Vun 1.11.1939 u Beamten am Unterrechtsministère^[2].
• 1943-1944: politesche Flüchtling.
• Vun 1960 u Fonctionnaire am Nationalmusée fir Geschicht a Konscht.
• 1948-1977: Sekretär vun der Commission des sites et monuments nationaux.
• 1962-1977: Member vun der Commission d'achat vum Geschichts- a Konschtmusée
• Vun 1971 un: Chargé de la direction vum Service des monuments historiques^[3]
• 1977-1982: Conservateur en chef^[3] beim Service des sites et monuments nationaux

• Member vum Wëssenschaftsrot vum Institut international des châteaux historiques (IBI)
• Membre effectif vun der Section historique vum Institut grand-ducal
• Member vum Collège des curateurs du château de Vianden
• Member vum Verwaltungsrot vun den Amis du château de Bourscheid a.s.b.l.
• President vum Festival vu Buerglënster
• Éierepresident vun den Amis du château de Bourglinster
• President vun der lëtzebuergescher Sektioun vum Conseil international des monuments et sites (ICOMOS) vun 1970 bis 1986, duerno Éierepresident

• Éieremedaille vum IBI fir déi virbildlech Restauratioun vu Lëtzebuerger Buergen a Schlässer
• Commandeur am Ordre de Mérite du Grand-Duché de Luxembourg
• Prix grand-duc Adolphe (1965)

• Restauratioune vun de Buergen / Schlässer: Buerg Klierf, Buerg Veianen, Schlass Buerglënster, Schlass Miersch, Buerg Huelmes, Buerg Buerschent;
• Ofsécherungsaarbechte bei de Buergen / Schlässer: Buerg Esch-Sauer, Buerg Useldeng, Buerg Hesper, Buerg Branebuerg, Buerg Beefort, Gehaansbierg
• Opwäertung vu follgende Plazen: Reschter vun der Buerg um Bockfiels zu Lëtzebuerg, Péitrus a Paulus-Kierch Iechternach
• Publikatiounen iwwer d'Erhale vu Buergen a follgende Serien: Burgen und Schlösser; Denkmalpflege in Rheinland-Pfalz; ARX Castellum; Hémecht; Cahiers de Bourscheid; Bulletins de l'institut international des châteaux historiques; Châteaux forts; Ville et forteresse.

• "Bianco e Nero", Lugano
• Salons interministériels, Paräis
• Biennales de la gravure zu Krakau, Tokio, Seoul, Ljubljana, Florenz a Léck

• Salone vum Cercle artistique de Luxembourg
• "La femme dans la peinture luxembourgeoise"
• "Autoportraits de peintres luxembourgeois", Villa Vauban, Lëtzebuerg
• "La gravure luxembourgeoise", Déiferdeng
• Ausstellung vu Gravure mat dem Roger Bertemes, Luxembourg, 1967
• Ausstellung vu Gravure mat dem Frantz Kinnen an dem Roger Bertemes, Köln, 1969

• Konschtgalerie vun der Gemeng Esch/Uelzecht an de Joren 1974, 1980 an 1986
• Buerschter Schlass, Juni bis September 1987

Dem Alfred Steinmetzer seng Wierker si breet verspreet:

• Nationalmusée fir Geschicht a Konscht zu Lëtzebuerg
• Privatsammlungen zu Lëtzebuerg, a Frankräich, an der Belsch, an Däitschland, an der Schwäiz, an Italien an an Holland
• Glasmolereie vun der neier Morgue zu Walfer, 1986
• Entworf vun Timberen iwwer historesch Monumenter zu Lëtzebuerg zesumme mat senger Duechter Christiane Steinmetzer am Kader vun der Année européenne du patrimoine architectural
• Illustratioune vu Bicher

1. ↑ D'Christiane Steinmetzer war Direktesch vum Service des sites et monuments nationaux vun 2004 bis 2008
2. ↑ Deemools "Ministère de l'instruction publique, des arts et des sciences".
3. ↑ ^{3,0 3,1} 1971 gouf de Service des monuments historiques per Gesetz gegrënnt, cf.: Règlement ministériel du 13 mai 1971 portant création d'un service des monuments historiques, Mémorial A n°35:539, 29. Mee 1971. 1977 gëtt dës Verwaltung per Gesetz reforméiert an heescht vun elo un Service des sites et monuments nationaux a si gëtt vun engem Conservateur en chef, cf. geleet. Loi du 19 septembre 1977 portant création d'un Service des Sites et Monuments Nationaux, Mémorial A n°58: 1788-1789, 6. Oktober 1977. Eréischt 1988 gëtt den Direkteschposten an dëser Verwaltung virgesinn, cf. Loi du 28 décembre 1988 portant réorganisation des instituts culturels de l'Etat, Mémorial A n°71: 1480-1492, 28. Dezember 1988.