D'AVL-Linn 32 ass eng Buslinn vun de Stater Bussen. Se fiert zanter dem 13. Dezember2020 vu méindes bis freides all 30 Minutten um Trajet Kierchbierg, Mischekopp - Uewerstad - Eech - Dummeldeng, Parc de l'Europe an zeréck. Zanter dem 11. September 2022 ass d'Halt Mischekopp um Kierchbierg den offiziellen Terminus vun der Linn, virdru war et just eng betriblech Halt.
Wéi am Dezember 2020 d'Tramslinn T1 bis op d'Gare verlängert an den AVL-Reseau ugepasst gouf, ass d'Linn 32 an d'Liewe geruff ginn, absënns fir eng direkt Verbindung vum „alen“ mam „neie“ Kierchbierg an doriwwer eraus bis an d'Stad bäizehalen.
Halten op der Linn 32
(D'Nimm vun den Halte si sou uginn, wéi s'am offizielle Fuerplang publizéiert sinn.)
15.10.2018 - 12.12.2020: Houwald, C.I.P.A. - Bouneweg - Verluerekascht - Gare - Stad an zeréck.
D'Streck déi vun deem Dag u gefuer gouf, war aus der fréierer Linn 31 entstanen, déi an zwéin Deeler opgespléckt gouf. D'Linn 32 ass dunn nees op Deeler vun der Streck vun der aler Linn J2 gefuer, déi bis Mee 2015 bestanen huet.
Wéinst dem Tramsschantjen ass d'Streck tëscht der Gare an der Uewerstad vum 3. November 2019 un iwwer d'Al Avenue, d'Al Bréck an de Boulevard Roosevelt amplaz iwwer d'Nei Avenue an d'Nei Bréck ëmgeleet ginn[1].
_2024.svg)
