Gnaeus Cornelius Lentulus Marcellinus

Res apud Vicidata repertae:

Nativitas: 100 a.C.n.; Roma antiqua
Obitus: unknown value; unknown value
Patria: Roma antiqua

Familia

Genitores: Publius Cornelius Lentulus Marcellinus; Cornelia
Proles: Publius Cornelius Lentulus Marcellinus
Familia: Cornelii Lentuli

Gnaeus Cornelius Lentulus Marcellinus (vixit primo saeculo a.C.n.) erat senator Romanus qui consulatum anno 56 a.C.n. cum Lucio Marcio Philippo gessit. Optimatium factionis erat et in consulatu triumviris (Caesari, Pompeio Crassoque) summa contentione adversabatur.

In patriciam gentem Corneliorum Lentulorum adoptatus^[1], nobillissima familia Claudiorum Marcellorum ortus, ut secundum cognomen indicat, maiorum splendore Gnaeus Marcellinus nemini cedebat. Scriboniam uxorem duxit^[2] quae postea vidua Octaviano Caesari nupsit et Iuliam peperit^[3].

• 67 a.C.n. Legatus Pompei in bello piratico. Cyrenaeorum patronus tum factus est.
• 61 a.C.n. Inter accusatores Publii Clodii Pulchri erat qui sacra Bonae Deae violaverat.
• 60 a.C.n. Praetor
• 59/58 a.C.n. Propraetor in Syria
• 56 a.C.n. Consul Ciceronem exilio redeuntem in bonis reciperandis adiuvit. Pompeio Crassoque consulatum petere volentibus quamdiu potuit restitit^[4]. Marcellino enim duce multi senatores, vim sibi adhibitam esse testificantes, vestem mutaverunt atque in curiam venire desierunt ne quicquam de comitiis consularibus consuli posset, usque adeo ut comitia mense ianuario vel februario tantum anno 55 a.C.n. per interregem haberi potuerint.

Nihil de eo post consulatum accepimus. Cicero Marcellini consulis eloquentiam laudavit in Bruto suo^[5].

• Appianus, Syriaca, 255
• Cassius Dio, libro XXXIX Historiae Romanae, cap. 27-30.
• Cicero, Brutus 247
• Plutarchus, Pompeius 51
  • Crassus 15
• Suetonius, De Vita Caesarum, in Vita Divi Augusti 62.
• Valerius Maximus, libro sexto Factorum dictorumque memorabilium, 2.6.