Cygnus olor

---

Animalia — Chordata

Classis : Aves 
Ordo : Anseriformes 
Familia : Anatidae 
Subfamilia : Anserinae 
Genus : Cygnus 
Bechstein, 1803

   

Subdivisiones: Species

6–7 vivae; vide commentarium.

Synonyma

Cygnanser Kretzoi, 1957

Cygnus est genus avium familiae Anatidarum, avis alba quae longum angustumque collum habet et rostrum flavum et brevia crura. Cum humi ambulat, plumbeus videtur. Mori potest influentia aviaria H5N1.

Nomen in lingua classica cycnus (a Graeco κύκνος) scribitur. Nomen alterum olor est. Quorum utrumque in poësi classica saepe, in prosa rarius reperitur.^[1]

Cycnus, quoniam magna avis est, trochili more in aere pendere non potest, nec statim evolare in speciem Columbae, sed oportet cycnum humi velociorem esse, ut pluribus gradibus evolet.

Cycni sunt magnae aves aquatiles, quae notae sunt collo curvo (maximum enim numerum cervicis vertebrarum (25) omnium chordatorum habent) et pulchris pennis albis. Tamen aliquae species plumas nigras habent. Adfines sunt aucis^? anatibusque.

Cycni albi in hemisphaera septentrionali habitant; in Australia autem Cygnus atratus niger habitat. Cycni paria formant una vitam degentia et nidos construunt, ubi tres ad octo ova fovent. Si fetus fallit, aves generis Cygni alteram uxorem saepe quaerere solent.

Cycni insectis parvisque animalibus vescuntur.

• Den grimme ælling, fabula ab Iohannis Christiani Andersen conscripta, quae vitam informis anatis narrat, quae videtur, cum re vera in formosum olorem adolescit.
• Lacus cygnorum,: fabula saltatoria Petri Čajkovskij.
• Nascitur cygnus,: poema a Gulielmo Johnson Cory (1823–1892) Sapphico metro compositum, quod ita incipit: "Nascitur cygnus : sibi rex videtur, / Impiger pigrae dominus paludis."
• Helenae matrem ferunt fuisse Ledam quam rapuisset Iuppiter in speciem oloris conversus. Ex ovo nato e matre, Helenam Dioscurosque natos esse Graecis fabulis traditum est.
• Cygnus dicitur canere ante mortem.
• Cycnus canorus (Cygnus cygnus) est avis civitatis Finniae.

Situs scientifici:  • ITIS • NCBI • Biodiversity • Encyclopedia of Life • WoRMS: Marine Species • Fossilworks