PROFILPELAJAR.COM

Hesenê Metê
Hesenê Metê
Jidayikbûn	1957 (67–68 salî); Erxanî, Diyarbekir
Esil	Kurd
Hevwelatî	Tirkiye
	Kariyera nivîskariyê
Zimanê nivîsinê	Kurdî
Şêweyê wejêyî	Roman, çîrok
Berhemên navdar
	Smîrnoff (çîrok, 1991); Ardû (çîrokên Gelêrî, 1991); Labîrenta cinan (roman, 1994); Epîlog (çîrok, 1998);
	biguhêre - Wîkîdaneyê biguhêre

Hesenê Metê (jdb. 1957, Erxenî, Diyarbekir) nivîskar û novelnivîsekî kurd e.^[1] Berhemên wî ji kurdî hatine wergerandin ji bo zazakî, tirkî, swêdî û îngilîzî.

Jînenigarî

Hesenê Metê di sala 1957an de li gundê Teiyê yê Erxeniya Diyarbekirê hatiye dinyayê.^[2] Ji ber sedemên malbatî di 11 an 12 saliyê xwe de ji gundê xwe derketiye.^[3]^[4] Çend salan li Nisêbînê û li Diyarbekirê jiyaye. Dibistana navîn û lîse li bajarê Mersinê yê Tirkiyeyê xelas kiriye.^[3]

Di geremolên salên 70-80an de ji ber sedemên siyasî çend caran hatiye girtin û di girtîgehê de maye.^[4] Di dema derbeya sala 1980an de ji welêt derketiye û çûye Îranê. Li wir tevlî pêşmergeya KOMELA Zehmetkêşê Kurdistana Îranê bûye. Piştî wê, çûye başûrê Kurdistanê. Li gelek gund û bajêrên başûrê pêşmergetî kiriye. Di vê demê de bi pêşmergeyên YNKyê re pîyeseke ku nehatiye weşandin nivîsiye û derxistiye sehneyê, ku ji hêla Celal Talebanî û jina wî Hero Xanim ve hatiye temaşekirin. Vê serpêhatiya xwe di hevpeyvînekê de wisa vegotiye:^[3]

“

...Tiştekî balkêş bû ji bo min, wek edebî. Ji bo min wekî bîranîneke xweş bû. Aniha reîsê Iraqê jî temaşeya vê tiyatroya min kiriye. Nivîskariya min li vê derê dest pê kir.

”

Wî sê sal pêşmergetî kiriye. Pişt re daketiye Sûriyê û ji wir jî bar kiriye Swêdê.^[4]^{Kengî, di çi salê de?} Hesenê Metê hê jî li Swêdê dijî.^[5]

Berhem wî

Çîrok

Smîrnoff, Çîrok, 95 r., Weşanên Welat, Stockholm, 1991. ISBN 91-971254-1-5.
Ardû, Çîrokên Gelêrî, 173 r., Weşanên Welat, Stockholm, 1991. ISBN 91-971254-4-X.
Epîlog, Çîrok, 141 r., Weşanên Nûdem, Järfälla, Swêd, 1998. ISBN 91-88592-35-9.
Tofan, Çîrok, 88 r., Weşanxaneya Apec, Spånga, Swêd, 2000. ISBN 91-89014-76-6.
Pêsîrên dayê, Çîrok, 130 r., Weşanxaneya Apec, Spånga, Swêd, 2013. ISBN 978-91-86139-74-2.
Îşev û çîroka dawîn, Çîrok, 90 r., Weşanxaneya Peywend, Stembol, Tirkiye, 2014. ISBN 978-60585387-7-1

Roman

Labîrenta cinan, Roman, 197 r., Welat Publishers, Huddinge, Swêd, 1994. ISBN 91-971254-7-4.
Gotinên Gunehkar, Roman, 151 r., Weşanên Avesta, Stembol, Tirkiye, 2007. ISBN 978-9944-382-33-5.
Li Dêrê, Roman, 102 r., Weşanên Nûdem, Stembol, Tirkiye, 2011. ISBN 978-60587811-1-5.
Hefsar, Roman, 94 r., Weşanxaneya Peywend, Stembol, Tirkiye, 2018. ISBN 978-60581608-2-8

Werger

Merivên reben, Wergera Бедные люди ya Fyodor Dostoyevskî, 185 r., Weşanên Welat, 1991. ISBN 91-971254-8-2.
Keça Kapîtan, Wergera Капитанская дочка ya Pûşkîn, 1998.
Jiyana rastîn, Göran Tunström (werger) Weşanxaneya Apec, 2004

Berhemên din

Ansîklopediya Zarokan (Children's Encyclopaedia), bi Amed Tigris, Mehmud Lewendi, Seyidxan Anter, Ali Ciftci, 236 r., Weşanxaneya Apec, Swêd, 2004. ISBN 91-89675-32-0.[1]
Gername, Weşanxaneya Apec, 2005

Çavkanî

^ Karahan, Enwer (22 hezîran 2007). "Hesenê Metê: Ez di dojehê de dijîm". NEFEL. Ji orîjînalê di 21 kanûna paşîn 2020 de hat arşîvkirin. Roja gihiştinê 26 adar 2024.
^ ABDÜLSEMETOĞLU, HALİL (2019). "Zanîngeha Mardîn Artukluyê". HÊMANÊN MÎTOLOJÎK DI ROMANÊN HESENÊ METÊ DE (PDF). Mêrdîn: Zanîngeha Mardîn Artukluyê. r. 46. Ji orîjînalê (PDF) di 26 adar 2024 de hat arşîvkirin. Roja gihiştinê 26 adar 2024.
^ ^a ^b ^c "Hesenê METÊ - YouTube". www.youtube.com. 9 kanûna pêşîn 2013. Ji orîjînalê hat arşîvkirin. Roja arşîvkirinê: 13 sibat 2021. Roja gihiştinê 16 adar 2020.{{cite web}}: CS1 maint: bot: original URL status unknown (lînk)
^ ^a ^b ^c Gelîş, Islam. "Labîrenta Cinan". Nûbihar. 16 (119): 34.
^ Hesenê Metê: Giringiya edebiyatê di struktura netewî de tiştekî zêde zêde mezin e, Hevpeyvîn: 18 Çilê 2019, Kurdistan24