PROFILPELAJAR.COM

ოლივერ კანი
Oliver Kahn
პირადი მონაცემები
სრული ; სახელი	ოლივერ როლფ კანი
დაბადების ; თარიღი	15 ივნისი, 1969 (55 წლის)
სიმაღლე	188 სმ.
სათამაშო ; პოზიცია	მეკარე
ახალგაზრდული კარიერა
1975-1987	კარლსრუე
პროფესიონალური კარიერა*
ეროვნული ნაკრები
	* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება;

ოლივერ როლფ კანი (გერმ. Oliver Rolf Kahn; დ. 15 ივნისი, 1969, კარლსრუე, გფრ) — ყოფილი გერმანელი საფეხბურთო მეკარე, მეტსახელად „ტიტანი“. მან თავისი კარიერა დაიწყო კარლსრუეს ახალგაზრდულ გუნდში. მისი დებიუტი პროფესიონალთა გუნდში შედგა 1987 წელს. 1994 წელს, ის გადავიდა მიუნხენის ბაიერნში 4,600,000 გერმანული მარკის სანაცვლოდ, სადაც მან ითამაშა თავისი კარიერის ბოლომდე (2008 წელი).

ის თანამედროვეობის ერთ-ერთი ყველაზე წარმატებული გერმანელი მოთამაშეა, რომელმაც რვაჯერ მოიგო გერმანიის ჩემპიონის ტიტული, ექვსჯერ გერმანიის თასი, უეფას თასი(1996), უეფას ჩემპიონთა ლიგის თასი და საკონტინენტთა შორისო თასი(ორივე 2001). თავისმა ინდივიდუალურმა წვლილმა მას მოუტანა უეფას საუკეთესო მეკარის 4 ჯილდო, სამჯერ "IFFHS"-ის ვერსიით მსოფლიოს საუკეთესო მეკარის ჯილდო და ორი გერმანიის საუკეთესო ფეხბურთელის ჯილდო. 2002 წლის მსოფლიოს ჩემპიონატზე ის გახდა პირველი და ერთადერთი მეკარე ტურნირის ისტორიაში, რომელმაც მოიგო ოქროს ბურთი.

1994 წლიდან 2006 წლამდე, კანი ასპარეზობდა გერმანიის ნაკრებში, რომელშიც ის ძირითად მეკარედ ანდრეას კეპკეს სანაკრებო კარიერის დასრულების შემდგომ იქცა. 2002 წლის მსოფლიოს ჩემპიონატზე გერმანიის ნაკრებმა კანის კაპიტნობით მიაღწია ფინალამდე. მაშინ, როდესაც გერმანიის ნაკრები რამდენიმეჯერ შერცხვა მთელი ამ ხნის მანძილზე თავიანთი ცუდი ასპარეზობის გამო, კანის სიმამაცეს ყოველთვის აღტაცებაში მოყავდა მაყურებელი და სწორედ მისი დამსახურება იყო გერმანიის ნაკრების ფინალში გასვლა, სადაც ისინი ბრაზილიის ნაკრებთან დამარცხდნენ 0-2. ამ მატჩის შემდეგ კანი მკაცრად გააკტირიკეს, რადგან მას ბრაზილიელი ფორვარდის რივალდოს დარტყმული ხელიდან გაუვარდა, რის შედეგადაც რონალდოს ბურთის კარის ბადეში გადაგზავნა არ გასჭირვებია. მიუხედავად ამისა, ის დასახელდა ტურნირის საუკეთესო ფეხბურთელად და მიიღო ოქროს ბურთის ჯილდო.

საკლუბო კარიერა

კარლსრუე

ექვსი წლის ასაკში კანი შეუერთდა კარლსრუეს საფეხბურთო აკადემიას, სადაც მისი მამა - როლფი თამაშობდა 1962 წლიდან 1965 წლამდე. ოლივერმა მეკარეობამდე თამაში დაიწყო მინდვრის ფეხბურთელად. ის პროფესიონალთა გუნდს შეუერთდა 1987-88 წლების სეზონში პირველ ბუნდესლიგაში, პირველად ის იყო ალექსანდრე ფამულას სარეზერვო გოლკიპერი. 1987 წლის 27 ნოემბერს შედგა კანის ბუნდესლიგური დებიუტი კიოლნის წინააღმდეგ, სადაც ოლივერის გუნდმა 4-0 გაანადგურა კიოლნი. თუმცა-ღა, მხოლოდ 1990 წლის შემდეგ მწრთვნელმა ვინფრედ შეფრემა გადაწყვიტა მისი ძირითად მეკარედ ქცევა. მომდევნო წლებში ოლივერმა კლუბში დაიმკვიდრა ძირითად მეკარედ თავი. ის მიიჩნეოდა მოტივატორად და უმთავრეს ფეხბურთელად კარლსრუეში, რომელთაც 1993-94 წლების სეზონში გააღწიეს უეფას თასის 1/2 ფინალურ ეტაპზე. 1/8 ფინალში კლუბმა საკუთარ კედლებში გაანადგურა ესპანური ვალენსია 7-0, მას შემდეგ, რაც პირველი გასვლითი მატჩი "მესტალიაზე" დათმეს 1-3. მატჩს გერმანულმა მედიამ "სასწაული ვაილდ პარკ სტადიონზე" შეარქვეს. კლუბმა 1/2 ფინალურ ეტაპზე დასანანი მარცხი იწვნია ავსტრიული ზალცხბურგისაგან.

კარიერის სტატისტიკა

კლუბში გამოსვლა			ლიგა		თასი		კონტინენტი		ჯამი
სეზონი	კლუბი	ლიგა	მატჩი	გოლი	მატჩი	გოლი	მატჩი	გოლი	მატჩი	გოლი
გერმანია			ლიგა		გერმანიი თასი		ევროპა		ჯამი
1987–88	კარლსრუე	ბუნდესლიგა	2	0	0	0	–		2	0
1988–89			2	0	0	0	–		2	0
1989–90			0	0	0	0	–		0	0
1990–91			22	0	0	0	–		22	0
1991–92			37	0	2	0	–		39	0
1992–93			34	0	5	0	–		39	0
1993–94			31	0	3	0	10	0	44	0
1994–95	მიუნხენის ბაიერნი	ბუნდესლიგა	23	0	2¹	0	5	0	30	0
1995–96			32	0	2	0	12	0	46	0
1996–97			32	0	4	0	2	0	38	0
1997–98			34	0	8	0	8	0	50	0
1998–99			30	0	8	0	13	0	51	0
1999–00			27	0	5	0	13	0	45	0
2000–01			32	0	4	0	16	0	52	0
2001–02			32	0	5	0	14	0	51	0
2002–03			33	0	6	0	6	0	45	0
2003–04			33	0	5	0	8	0	46	0
2004–05			32	0	7	0	10	0	49	0
2005–06			31	0	6	0	7	0	44	0
2006–07			32	0	2	0	9	0	44	0
2007–08			26	0	7	0	9	0	42	0
ჯამი	გერმანია		557	0	81	0	142	0	780	0
კარიერის ჯამი			557	0	81	0	142	0	780	0