ანზორ მექვაბიშვილი

პირადი მონაცემები
დაბადების თარიღი	5 ივნისი, 2001 (2001-06-05) (23 წლის)
დაბადების ადგილი	თბილისი, საქართველო
სიმაღლე	174 სმ
სათამაშო პოზიცია	ნახევარმცველი
საკლუბო ინფორმაცია
მიმდინარე კლუბი	უნივერსიტატეა კრაიოვა
ნომერი	5
პროფესიონალური კარიერა*
წლები	გუნდი	მატჩი	(გოლი)
2020–2024	დინამო თბილისი	99	(8)
2024–	უნივერსიტატეა	25	(1)
ეროვნული ნაკრები‡
2016–2018	საქართველო 17-წლ.	3	(0)
2018–	საქართველო 19-წლ.	12	(1)
2020–2023	საქართველო 21-წლ.	13	(1)
2022–	საქართველო	17	(0)
ჯილდოები
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 24 აგვისტო, 2024 ‡ ეროვნული ნაკრების მატჩი და გოლი ბოლოს განახლდა: 26 ივნისი, 2024

ანზორ მექვაბიშვილი (დ. 5 ივნისი, 2001, თბილისი, საქართველო) — ქართველი ფეხბურთელი. საფეხბურთო კლუბ კრაიოვას „უნივერსიტატეას“ და საქართველოს ეროვნული ნაკრების ნახევარმცველი. 2024 წლის ევროპის ჩემპიონატის მონაწილე საქართველოს ეროვნული ნაკრების შემადგენლობაში.

მექვაბიშვილი თბილისის „დინამოს“ საფეხბურთო აკადემიის აღზრდილია. „დინამოს“ მთავარ გუნდში 2019 წლიდან თამაშობდა და ამ დროის განმავლობაში ქვეყნის პირველობის, თასის გათამაშებისა და საერთაშორისო ტურნირების ფარგლებში ჩატარებული შეხვედრების ჩათვლით სულ 113 მატჩში (13 გოლი) მიიღო მონაწილეობა. მის შემადგენლობაში ორჯერ საქართველოს ჩემპიონობა და ერთხელ საქართველოს სუპერთასი მოიპოვა.^[1]

ახალგაზრდა ნახევარმცველი თბილისის „დინამოს“ ძირითად გუნდში პირველად ჩისკო მუნიოსის დროს მოხვდა. თუმცა მისი დებიუტი კახა ჩხეტიანის მთავარი მწვრთნელობის პერიოდში შედგა. როტაციის ფეხბურთელობიდან ძირითადის წევრობასა და გუნდის ვიცე-კაპიტნობამდე გზა მექვაბიშვილმა არასრულ ორ წელიწადში გაიარა.

2022 წლის დეკემბერში 21 წლის ნახევარმცველი GFF Awards 2022-ზე წლის საუკეთესო ნახევარმცველების ნომინანტებში მოხვდა — მექვაბიშვილმა ეროვნული ლიგის დასრულებულ სეზონში 30 მატჩი ჩაატარა, 5 გოლი გაიტანა და 1 საგოლე გადაცემა შეასრულა. წლის საუკეთესო ქართველ ახალგაზრდა ფეხბურთელადაც იგი დაასახელეს.^[2] აღნიშნულ პერიოდში მის მიმართ ყველაზე დიდ ინტერესს პოლონური „რაკუვი“ და ნიდერლანდური „ვიტესი“ იჩენდნენ.

2024 წლის იანვარში რუმინეთის ერთ-ერთ ყველაზე ტიტულოვან კლუბში, კრაიოვას „უნივერსიტატეაში“ გადავიდა, სადაც 4.5-წლიანი კონტრაქტი გააფორმა.^[3][4]

რუმინულ კლუბში 22 წლის საყრდენი ნახევარმცველის დებიუტი „სტიაუასთან“ შინ გამართულ შეხვედრაში 21 იანვარს შედგა.^[5][6]

იცავდა საქართველოს ყველა ასაკობრივ ნაკრებთა ღირსებას. მისი დებიუტი ახალგაზრდულ გუნდში 2020 წლის სექტემბერში შედგა. იმ დროისთვის, როდესაც საფრანგეთის 21-წლამდელთა წინააღმდეგ ვასილ მაისურაძემ ახალგაზრდულში პირველად ათამაშა მექვაბიშვილი 19 წლის და 3 თვის იყო. იყო საქართველოს 21-წლამდელთა ნაკრების ერთ-ერთი ლიდერი და მისი კაპიტანი.

სპეციალისტების შეფასებით მექვაბიშვილს 6-იანისა და 8-იანის პოზიციაზე თამაში თანაბარი წარმატებით შეუძლია. შესაბამისად, მის ამ უნარს კლუბში, ახალგაზრდულ და პირველ ნაკრებებში მწვრთნელები აქტიურად იყენებენ ფორმაციის ცვლილებისთვის.^[7]

ქვეყნის ეროვნულ გუნდში პირველად 2022 წელს ვილი სანიოლმა გამოიძახა და მარტის ორივე ამხანაგური მატჩი ათამაშა — ზენიცაში ბოსნია-ჰერცეგოვინასთან და ტირანაში ალბანეთთან.^[8]

მექვაბიშვილმა 2022 წელს საქართველოს ეროვნული ნაკრების მიერ გამართული 9 მატჩიდან 7 შეხვედრაში ითამაშა. ძირითადში პირველად გიბრალტარის ეროვნულ ნაკრებთან 4–0 მოგებულ მატჩში გამოჩნდა. იმავე გიბრალტართან გასვლაზე კი ნაკრებში პირველ საგოლე მოქმედებაში მიიღო მონაწილეობა.

განახლდა: 26 ივნისი, 2024

ეროვნული ნაკრები	წელი	მატჩი	გოლი
საქართველო	2022	7	0
	2023	6	0
	2024	4	0
ჯამში		17	0

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	გოლები	შენიშვნა	წყარო
1	25.03.2022	ზენიცა	ბოსნია და ჰერცეგოვინა	0–1	საქართველო	ამხანაგური		63'	[9][10]
2	29.03.2022	ტირანა	ალბანეთი	0–0	საქართველო	ამხანაგური		75'	[11][12]
3	02.06.2022	თბილისი	საქართველო	4–0	გიბრალტარი	ერთა ლიგა			[13][14]
4	12.06.2022	თბილისი	საქართველო	0–0	ბულგარეთი	ერთა ლიგა		63'	[15][16]
5	23.09.2022	თბილისი	საქართველო	2–0	ჩრდ. მაკედონია	ერთა ლიგა		78'	[17][18]
6	26.09.2022	გიბრალტარი	გიბრალტარი	1–2	საქართველო	ერთა ლიგა			[19][20]
7	17.11.2022	შარჯა	მაროკო	3–0	საქართველო	ამხანაგური		78'	[21][22]
8	08.09.2023	თბილისი	საქართველო	1–7	ესპანეთი	ევრ. შეს.		46'	[23][24]
9	12.09.2023	ოსლო	ნორვეგია	2–1	საქართველო	ევრ. შეს.		76'	[25][26]
10	12.10.2023	თბილისი	საქართველო	8–0	ტაილანდი	ამხანაგური			[27][28]
11	15.10.2023	თბილისი	საქართველო	4–0	კვიპროსი	ევრ. შეს.		85'	[29][30]
12	16.11.2023	თბილისი	საქართველო	2–2	შოტლანდია	ევრ. შეს.		70'	[31][32]
13	19.11.2023	ვალიადოლიდი	ესპანეთი	3–1	საქართველო	ევრ. შეს.		60'	[33][34]
14	09.06.2024	პოდგორიცა	მონტენეგრო	1–3	საქართველო	ამხანაგური		80'	[35][36]
15	18.06.2024	დორტმუნდი	თურქეთი	3–1	საქართველო	ევრო 2024		89'	[37][38]
16	22.06.2024	ჰამბურგი	საქართველო	1–1	ჩეხეთი	ევრო 2024			[39]
17	26.06.2024	გელზენკირხენი	საქართველო	2–0	პორტუგალია	ევრო 2024		81'	[40]
18	16.11.2024	ბათუმი	საქართველო	1–1	უკრაინა	ერთა ლიგა		86'	[41]

დინამო თბილისი

• საქართველოს ჩემპიონი: 2020, 2022
• საქართველოს ვიცე-ჩემპიონი: 2021, 2023
• საქართველოს სუპერთასის მფლობელი: 2021, 2023

• საქართველოს წლის საუკეთესო ახალგაზრდა ფეხბურთელი: 2022

• ღირსების ორდენი: 2024^[42]

• ანზორ მექვაბიშვილი ეროვნული ლიგის ოფიციალურ საიტზე
• ანზორ მექვაბიშვილი უეფას ოფიციალურ საიტზე

ხ • გ • რ საქართველოს შემადგენლობა – 2024 წლის ევროპის ჩემპიონატი 1 ლორია (მ) 2 კაკაბაძე 3 დვალი 4 კაშია (კ) 5 კვირკველია 6 ქოჩორაშვილი 7 კვარაცხელია 8 ზივზივაძე 9 დავითაშვილი 10 ჩაკვეტაძე 11 ქვილითაია 12 გუგეშაშვილი (მ) 13 გოჩოლეიშვილი 14 ლოჩოშვილი 15 გველესიანი 16 კვეკვესკირი 17 კიტეიშვილი 18 ალთუნაშვილი 19 შენგელია 20 მექვაბიშვილი 21 წიტაიშვილი 22 მიქაუტაძე 23 ლობჟანიძე 24 ტაბიძე 25 მამარდაშვილი (მ) 26 სიგუა მწვრთნელი: ვილი სანიოლი