Mýrin
Leikstjóri	Baltasar Kormákur
Handritshöfundur	Arnaldur Indriðason Baltasar Kormákur
Framleiðandi	Agnes Johansen Lilja Pálmadóttir Baltasar Kormákur
Leikarar	Ingvar E. Sigurðsson Björn Hlynur Haraldsson Ólafía Hrönn Jónsdóttir Ágústa Eva Erlendsdóttir
Klipping	Elísabet Ronaldsdóttir
Dreifiaðili	Skífan
Frumsýning	20. október, 2006
Tungumál	íslenska

Mýrin er íslensk kvikmynd, gerð eftir samnefndri sögu Arnalds Indriðasonar. Tökur hófust á myndinni í mars 2006, og er myndin í leikstjórn Baltasars Kormáks. Hún var frumsýnd í október sama ár.

Mýrin hlaut Kristalhnöttinn árið 2007, aðalverðlaun Alþjóðlegu kvikmyndahátíðarinnar í Karlovy Vary.^[1]

• Ingvar E. Sigurðsson sem Erlendur
• Björn Hlynur Haraldsson sem Sigurður Óli
• Ólafía Hrönn Jónsdóttir sem Elínborg
• Ágústa Eva Erlendsdóttir sem Eva Lind
• Atli Rafn Sigurðarson sem Örn
• Kristbjörg Kjeld sem Katrín
• Theódór Júlíusson sem Elliði
• Þorsteinn Gunnarsson sem Holberg

Roskinn maður finnst myrtur í kjallaraíbúð í Norðurmýrinni. Í skrifborði hans er falin ljósmynd af grafreiti fjögurra ára stúlku. Myndin leiðir lögregluna inn í hina liðnu tíð sem geymir skelfilegan glæp og fjölskylduharmleik.

1. ↑ „Mýri Baltasars í kjölfar Amélie“. www.mbl.is. Sótt 1. nóvember 2024.