Ríkisstjórn Katrínar Jakobsdóttur tók við völdum þann 30. nóvember 2017. Hún samanstóð af Sjálfstæðisflokknum, Vinstrihreyfingunni - grænu framboði og Framsóknarflokknum. Í ríkisstjórninni voru11 ráðherrar sem skiptust þannig að Sjálfstæðisflokkurinn hafði fimm ráðherra, Vinstrihreyfingin - grænt framboð þrjá og Framsóknarflokkurinn þrjá. Ríkisstjórnarflokkarnir höfðu meirihluta á Alþingi með 33 þingmenn. Í upphafi kjörtímabilsins höfðu flokkarnir 35 þingmenn, en síðar sögðu tveir þingmenn sagt sig úr þingflokki Vinstri grænna: Andrés Ingi Jónsson haustið 2019^[1] og Rósa Björk Brynjólfsdóttir haustið 2020.^[2] Rósa Björk gekk til liðs við þingflokk Samfylkingarinnar í desember 2020 og Andrés Ingi gekk til liðs við þingflokk Pírata í febrúar 2021.^[3]

Einn utanþingsráðherra, Guðmundur Ingi Guðbrandsson, sat í umhverfis- og auðlindaráðuneytinu fyrir Vinstrihreyfinguna - grænt framboð.

Breytingar urðu í ráðuneytinu 14. mars 2019 eftir að Sigríður Á. Andersen sagði af sér embætti dómsmálaráðherra eftir að Mannréttindadómstóll Evrópu hafði dæmt íslenska ríkið brotlegt í skipun dómara í Landsrétti, Þórdís Kolbrún Reykfjörð Gylfadóttir tók þá við embættinu tímabundið^[4] en þann 6. september sama ár var Áslaug Arna Sigurbjörnsdóttir skipuð í embætti dómsmálaráðherra, næstyngst allra ráðherra í sögu Íslands.^[5]

	Mynd	Nafn[6]	Ráðherra	Ráðuneyti	Flokkur
		Katrín Jakobsdóttir	Forsætisráðherra	Forsætisráðuneyti Íslands	V
		Bjarni Benediktsson	Fjármála- og efnahagsráðherra	Fjármála- og efnahagsráðuneyti Íslands	D
		Svandís Svavarsdóttir	Heilbrigðisráðherra	Velferðarráðuneyti Íslands	V
		Ásmundur Einar Daðason	Félags- og jafnréttismálaráðherra		B
		Kristján Þór Júlíusson	Sjávarútvegs- og landbúnaðarráðherra	Atvinnuvega- og nýsköpunarráðuneyti Íslands	D
		Þórdís Kolbrún Reykfjörð Gylfadóttir	Ferðamála-, iðnaðar- og nýsköpunarráðherra		D
		Lilja Alfreðsdóttir	Mennta- og menningarmálaráðherra	Mennta- og menningarmálaráðuneyti Íslands	B
		Guðlaugur Þór Þórðarson	Utanríkisráðherra	Utanríkisráðuneyti Íslands	D
		Sigurður Ingi Jóhannsson	Samgöngu- og sveitarstjórnarráðherra	Samgöngu- og sveitarstjórnarráðuneyti Íslands	B
		Sigríður Á. Andersen (þar til 13. mars 2019)	Dómsmálaráðherra	Dómsmálaráðuneyti Íslands	D
		Þórdís Kolbrún Reykfjörð Gylfadóttir (14. mars 2019 - 5. september 2019)[7]			D
		Áslaug Arna Sigurbjörnsdóttir (frá 6. september 2019)[8]			D
		Guðmundur Ingi Guðbrandsson	Umhverfis- og auðlindaráðherra	Umhverfis- og auðlindaráðuneyti Íslands	V
		Steingrímur Jóhann Sigfússon	Forseti Alþingis	Alþingi	V