Inequalitate (mathematica)

In le mathematica, un inequalitate^[1] es un relation que existe inter duo valores quando illos es differente (vide etiam: equalitate).

• Le notation a ≠ b significa que a es inequal a b.

Illo non assere que un es plus grande que le altere, ni mesmo que lor grandores pote esser comparate.

Si le valores in question es elementos de un structura ordinate, como illo del numeros integre o real, lor grandores pote esser comparate.

• Le notation a < b significa que a es inferior a b.
• Le notation a > b significa que a es superior a b.

In cata caso, a es inequal a b. Tal relationes se appella inequalitate stricte. Le notation a < b pote etiam esser legite como "a es strictemente inferior a b".

In contrasto al inequalitate stricte, il ha duo typos de inequalitate non stricte:

• Le notation a ≤ b significa que a es inferior o equal a b (o, equivalentemente, non superior a b, o al plus b).
• The notation a ≥ b significa que a is superior o equal a b (o, equivalentemente, non inferior a b, o al minus b).

Un notation additional es pro monstrar que un quantitate es multo plus grande que un altere, generalmente per plure ordines de magnitude.

• Le notation a ≪ b significa que a es multo inferior a b.
• Le notation a ≫ b significa que a es multo superior a b.

1. ↑ Derivation (in ordine alphabetic): (ca) Desigualtat matemàtica || (de) Ungleichung || (en) Inequality (mathematics) || (es) Desigualdad matemática || (fr) Inégalité (mathématiques) || (it) Disuguaglianza || (pt) Desigualdade || (ro) Inegalitate matematică || (ru) Неравенство

Iste pagina contine material traducite ab Wikipedia in anglese. Le articulo original se trova in le version 627912466 de en:Inequality (mathematics), e es usate secundo le mandatos del licentia de Wikipedia.