Cali[1], anque cognoscite como Santiago de Cali, es un citate de Colombia e le capital del provincia del Valle del Cauca.[2]. Secundo lor extension superficial es le secunde citate le plus grande de Colombia, Il ha 564 km². Le citate juncto con altere citates e communitates forma parte del "Area Metropolitan de Santiago de Cali".[3] Santiago de Cali esseva fundate le 25 de julio 1536 per le conquisitor espaniolSebastián de Belalcázar, isto face del citate un de le citates le plus ancian de America.
Le economia del citate es un de le economias colombian de plus grande crescimento a causa de lor ubication geographic, solmente a un distantia de 115 km del Oceano Pacific.
Symbolos
Bandiera
Bandiera de Cali.
Le bandiera esseva create in 1928 e officialmente adoptate le 31 de maio 1954. Secundo le tradition e le antique documentos qui describe le bandiera, ista es conformate per cinque frangia horizontal del colores blau, rubie, blanc, rubie e verde, in ordine descendente. Le prime, tertie e quinte frangias ha le mesme largor; e le secunde e quarte frangias mensura un tertio in comparation con le altere frangias.[4]
Le blason esseva concedite le 17 de julio 1559 per Juana de Portugal, regina de Espania, per le Regal Carta del Governamento de Espania.[5]
Il consiste de septe montanias del color del terra, le montanie del medie es le plus alte de omnes e al derecta e basso, se trova un citate de auro inter duo fluvios e arbores verde, e in le parte basse un porto de mar con un nave in le delta de un fluvio e in alto canoas con lor remos in un aquas blau e blanc.[6]
Hymno
Esseva scribite per le poeta Helcías Martán Góngora e lor musica era componite per Santiago Velasco Llanos.[7]. Le hymno resultava le vincitor in un concurso national organisate per le governamento municipal in 1980. Le 16 de februario 1980 in commemoration del 600º anniversario del morte del Liberator Simón Bolívar le hymno esseva sonate in publico in le Theatro Municipal de Cali per le Orchestra Philharmonic del Valle del Cauca.[8]
.svg)
.svg)
