Sublime Text

Sublime Text

Տեսակ	տեքստային խմբագրիչ, ծրագիր և ծրագրային ապահովում
Նախագծումը՝	Ջոն Սկիներ և Sublime HQ?
Գրված է՝	C++[1][2][3] և Python[1]
ՕՀ	Լինուքս, մաքՕՍ և Windows
Առկա է	անգլերեն
Լույս տեսավ՝	հունվարի 28, 2011
Պլատֆորմ	x86_64, Apple Silicon? և A64
Կարդագող ֆայլերի ֆորմատ	Sublime Text Workspace?, Sublime Text Project?, Sublime Text Mouse settings? և Sublime Text Snippets?
Ստեղծվող ֆայլերի ֆորմատ	Sublime Text Workspace?, Sublime Text Project?, Sublime Text Snippets? և Sublime Text Mouse settings?
Արտոնագիր	ոչ ազատ ծրագրային ապահովման արտոնագիր[4]
Կայք	sublimetext.com​(անգլ.)
Sublime Text Վիքիպահեստում

Sublime Text-ը Python ծրագրային լեզվի կիրառական ծրագրավորման միջերես ունեցող ելակետային կոդի միջհարթակային խմբագրիչ է։ Այն ի սկզբանե օժանդակում է ծրագրավորման և նշարկման բազմաթիվ լեզուներ։ Lրացուցիչ ֆունկցիաները կարող են ավելացնել խրվակների օգնությամբ։

Խմբագրիչի պաշտոնական կայքը հնարավորություն է տալիս անվճար և անսահմանափակ ժամանակով լիարժեք օգտվել ծրագրից՝ ծանոթանալու նպատակով, սակայն գործնական, շահութաբեր գործունեություն ծավալելիս այն օգտագործելու համար անհրաժեշտ է թույլատրագիր գնել։

Ծրագրի առաջին տարբերակը նախատեսված էր միայն Windows օպերացիոն համակարգի համար։ Հնարավորությունները.^[16]

• Ավոտմատ պահպանում,
• Ֆայլերի գլխագրեր,
• Մինիքարտեզ՝ ընթացիկ կոդի ամբողջական դիտում,
• Կոդի մի քանի բաժինների ընտրելու հնարավորություն,
• Փոփոխություն կատարել մի քանի պանելներում;
• Ծրագրավորման 27 լեզուների ներկառուցված առաջկցություն,
• Փնտրում և փոխարինում,
• Համապատասխան փակագծեր, ավտոլրացում,
• Աջակցում Python ծրագրային լեզվի հավելվածներին;
• Օգտագործողի թեժ ստեղներ։

2-րդ տարբերակից սկսած Sublime Text-ը հասանելի դարձավ մյուս օպերացիոն համակարգերի համար։ Թողարկվեցին տարբերակներ Mac OS X և Լինուքս համակարգերի համար^[17]։

• Go ծրագրավորման լեզվի կոդի լուսավորում,
• Արագ անցումը կոդի հատվածներին,
• Ազատ ամբողջական էկրանի վիճակ,
• Հրամանների պնակ,
• Աջակցում OS X Lion համակարգին։

Sublime Text-ն աջակցում է ծրագրավորման բազմաթիվ լեզուների^[18] և հնարավորություն ունի լուսավորել հետևյալ լեզուների կոդերը. C, C++, C#, CSS, D, Dylan, Erlang, HTML, Groovy, Haskell, Java, JavaScript, LaTeX, Lisp, Lua, Markdown, MATLAB, OCaml, Perl, PHP, Python, R, Ruby, SQL, TCL և XML։ Ծրագրային այն լեզուներից բացի, որոնց աջակցումն ապահովված է ծրագրային փաթեթում, օգտագործողը հնարավորություն ունի այլ լեզուների աջակցման համար բեռնել հավելվածներ։

Sublime Text ծրագրային փաթեթում ներառված են 22 տարբեր թեմաներ։ Օգտագործողը հնարավորություն ունի հավելվածների միջոցով ավելացնել նոր թեմաներ։

Օգտագործողն էկրանի աջ հատվածում տեսնում է ծրագրի ընթացիկ կոդը, որի միջոցով հնարավորություն ունի արագ անցում կատարել կոդի տարբեր հատվածներ։

Sublime Text-ով աշխատանքի ժամանակ ծրագիրը՝ կախված ծրագրավորման լեզվից, առաջարկում է գրառումն ավարտելու տարբերակներ, որը մեծացնում է կատարվող աշխատանքի արագությունը։

Sublime Text-ի մուգ ֆոնը նախատեսված է կոդն ավելի ակնառու դարձնելու համար։ Կոդի տարբեր հատվածներ ունեն տարբեր լուսավորում, որը հնարավորություն է տալիս հեշտությամբ զանազանել կոդի հատվածները։

Sublime Text 3-ի բետա-տարբերակը թողարկվել է 2013 թվականի հունվարի 29-ին։ Սկզբում այն հասանելի էր միայն գրանցված օգտագործողների համար, որոնք արդեն գնել էին Sublime Text 2-ի լիցենզիան։ Սակայն հետո այն հասանելի դարձավ բոլորի համար։

• Sublime Text-ի պաշտոնական կայք (անգլ.)
• Sublime Text Power User Book (անգլ.)