Xustiza artificial

Xustiza artificial
Instancia de filme
Xénero cinema de ciencia ficción filme de suspense
Autoría
Director/a Simón Casal
Publicación
Data de publicación 2024
Dimensións
Duración 1 hora e 38 minutos
Fontes e ligazóns
Redes
[ Wikidata ]

Xustiza artificial (en castelán: Justicia artificial) é un filme hispano-portugués de 2024 dirixido por Simón Casal a partir dun guión de Casal e Víctor Sierra.^[1][2][3] O filme está protagonizado por Verónica Echegui, Alberto Ammann, Tamar Novas e Alba Galocha, e conta no seu elenco con numerosos actores galegos, entre eles Xabier Deive na súa derradeira actuación antes do seu pasamento.^[4]

Estreouse dobrado en galego en Amazon Prime Video en 5 de decembro de 2024.^[5]

Nun esforzo por automatizar e despolitizar a xustiza, o Goberno de España prevé substituír os xuíces por software de intelixencia artificial.^[2][3]

• Verónica Echegui como xuíza Carmen Costa^[2]
• Tamar Novas como Brais Lago^[6]
• Alba Galocha como Alicia Kóvack^[2]
• Alberto Ammann como Alex^[2]
• Lúcia Moniz como Sofía^[6]
• Paula Morado como Manuela^[6]
• Santi Prego como Goitia^[6]
• Ledicia Sola^[6]

A película foi producida por Justicia Artificial AIE, Tornasol Media, Abano Producións e Ukbar Filmes, coa participación de RTVE e Prime Video, e co apoio de ICAA e AGADIC.^{[2] [3]}

En novembro de 2022, RTVE informou do inicio da rodaxe en Galiza, gravado na Coruña, Muxía e outras localizacións da Costa da Morte. Foi filmado adicionalmente en Lisboa.^[2]

A película tivo a súa estrea mundial en Shanghai, no seu 26º Festival Internacional de Cinema (xuño de 2024).

Foi preestreada o 5 de setembro de 2024 no Teatro Colón da Coruña, e nos cines comerciais en España o 13 de setembro de 2024 con A Contracorriente Films supervisando a distribución no Estado.^[2]

• Lista de títulos con versión en galego nas plataformas de streaming