The Walt Disney Company, ou simplemente Disney, é unha das meirandes compañías de medios de comunicación e entretemento do mundo en ingresos.[1] Fundada o 16 de outubro de 1923 por Walt Disney e Roy Disney, co paso do tempo converteuse nun dos maiores estudios de filmes de Hollywood. Ademais opera e licenza parques temáticos e diversas cadeas de televisión en aberto e por cable, como ABC, Disney Channel e ESPN. As oficinas coporativas atópanse concentradas principalmente en The Walt Disney Studios en Burbank, California. A compañía cotiza na Bolsa de Valores de Nova York, desde o 6 de maio de 1991.
Unha das creacións animadas máis vellas da compañía, Mickey Mouse, serve como a mascota oficial de The Walt Disney Company.
