O termo rublo fai referencia a varias moedas de distintos países da Europa do Leste. Actualmente hai tres países que empregan o rublo como moeda oficial: Rusia, Belarús e Trasnistria, se ben este último é un Estado non recoñecido e polo tanto o seu rublo carece de código ISO 4217 e non é unha moeda recoñecida internacionalmente.

Unha das teorías sobre o nome desta moeda é a que di que o termo rublo vén da palabra rusa rubl, derivado de rubitj, que significa cortar, xa que o antigo rublo era un anaco cortado dunha barra de prata.^[1] Segundo esta teoría, o primeiro rublo aparecido en Rusia foi un fragmento de prata cun peso de 200 gramos que se puxo en circulación no século XIII en Nóvgorod que se presentaba en distintas formas e se cortaba para conseguír pezas máis pequenas que finalmente se converterían en pezas acuñadas.^[2] I.K. Kondratiev no libro "Antigüidade de Moscova de pelo gris" escribiu:^[3]

Os rublos eran partes de grivnia ou anacos de prata con muescas, que indicaban o seu peso. Cada grivnia dividíase en catro partes; o nome rublo procede da palabra "рубить" (cortar), porque a variña de prata co peso dunha grivnia cortábase en catro partes, que se denominaban rublos.

• Rublo belaruso
• Rublo ruso
• Rublo de Transnistria

• Rublo armenio (1919-1923)
• Rublo letón (1919 - 1922, 1992 - 1993)
• Rublo soviético (1923 - 1992)
• Rublo svalbarense (1946 - 2002)
• Rublo taxico (1995 - 2000)
• Rublo transcaucásico (1918-1919 e 1923-1924)

• Banco Central da Federación Rusa (en ruso) (en inglés)
• Banco Nacional da República de Belarús (en inglés) (en ruso)
• Banco Republicano de Transnistria (en inglés) (en alemán) (en ruso)
• Sitio web do Goznak (en inglés) (en ruso)
• Galería de imaxes da historia do rublo en Rusia