Penique escocés

Penique (penny) de David I (1124-1153)
Busto de David cara á dereita cun cetro. Cruz curta con flor de lis nos cuarteis.
Penique. AG. 19 mm. [1]

O penique (en escocés peighinn; en inglés: penny, plural pence) foi a primeira moeda cuñada en Escocia, introducida cara a 1135 por David I co valor de 1/12 do xilin ou de 1/240 da libra escocesa. Inicialmente foi unha moeda de prata, aínda que no século XV comezou a baterse en billón e as súas derradeiras emisións, xa no século XVII, chegaron a ser cuñadas en cobre.[2][3]

A orixe da denominación non é clara. Palabras similares para indicar o diñeiro medieval, como herdeiro do denario romano están presentes en toda a Europa setentrional: pfenning (alemán), pingin (irlandés), pening (islandés), penning (sueco), penni (finés), etc. A denominación orixinal en gaélico escocés era peighinn[4], aínda que pasou a usarse sgillinn (literalmente, "xilin")[5] a partir da lei de unión dos reinos escocés e inglés, en 1707, cando tamén se integraron ambos os sistemas de xeito que un xilin escocés (12 peniques escoceses) pasou a equivaler a un penique inglés (a taxa de cambio estableceuse en 12 libras escocesas por cada libra esterlina).[6]

O penique abréviase adoito coa letra "d", proveniente da inicial da palabra "denario".[7]

Historia

Nacemento do penique de prata

Penique do Príncipe Henrique (1114-1152)
hENRICVS •[F RE?]; busto coroado cara á dereita, con cetro diante. +EREBALD: ON [C]OREB:, cruz con flores de lis.
Penny. Ceca de Corbridge. AG. 1,18 g. [8]
Penique recortado
[+ N. ENCI: CON]; busto cara á dereita. [WILLELM ON OBCI]. Cruz.
Penique cortado como ½ penique. AG. 0,67 g.

O primeiro rei de Escocia en emitir a súa propia moeda foi David I (1124-1153).[9][10][11] Este monarca considérase o artífice da modernización de Escocia e fálase mesmo da Revolución Davidiana. En 1136, David capturou a localidade inglesa de Carlisle, o que incluía tamén tanto a súa casa de moeda como as minas de prata próximas, ata entón baixo dominio inglés.[12] As súas moedas alí cuñadas, peniques de prata, amosan unha gran semellanza coas de Estevo I de Inglaterra (1135-1154), coas que compartían o padrón monetario, polo que na práctica circulaban indistintamente en ambos os países.[13] Aínda durante o seu mesmo reinado, as cuñaxes pasaron a producirse tamén en Berwick, en Roxburgh e en Edimburgo.[14]

Nos anversos destes primeiros peniques figuraba o nome do monarca, baixo a forma de DAVIT REX. Os reversos amosaban unha cruz curta con glóbulos nos seus cuarteis, cunha lenda do tipo FOLPALT ON BERVI ("Foltpalt a Berwick"), que indicaban o nome do gravador responsable e o lugar da cuñaxe, a modo de marca de ceca. O seu peso era de 22½ grans (ca. 1,45 gramos) e a lei da súa prata era de 925 milésimas.[1]

Durante o reinado de David I cuñáronse tamén peniques a nome do seu fillo, o príncipe Henrique de Escocia, na súa condición de conde de Northumberland.[14][15]

O príncipe Henrique faleceu antes que o seu pai, polo que David I foi sucedido polo seu neto maior, Malcom, que daquela só tiña 12 anos. Baixo Malcom IV (1153-1165) non se produciron cambios substanciais no relativo á moeda e o penique mantívose como a única denominación monetaria. Ante a carencia de fraccións do penique en circulación, a súa necesidade solucionábase, por unha parte, co uso de moeda miúda estranxeira e, por outra, cortando os peniques en circulación en dúas ou en catro partes iguais (para circularen como medio e como un cuarto de penique, dado que o valor da moeda viña determinado polo peso do seu metal).[16]

Guillerme I (1165-1214)

Penique de Guillerme I (1165-1214)
+WILAM R'; cabeza coroada á esquerda, con cetro e glóbulos. +hENRI LE RVS, cruz curta con estrelas nos cuarteis.
Penique. Ceca de Perth. AG. 19 mm. 1,45 g. [17]

A Malcom IV sucedeuno o seu irmán máis novo, Guillerme, que accedeu ao trono de Escocia como Guillerme I (1165-1214). Neste período produciuse a apertura de novas casas de moeda, en Dunbar, Perth e Stirling, e continuaron abertas as de Berwick Edimburgo e Roxburgh.

O peso do penique e a lei da súa aliaxe seguiron a ser iguais que na época de David I, mais Guillerme introduciu unha novidade: un novo tipo de cruz no reverso, a cruz rechea (croix remplie), que facilitaba o recorte equilibrado da moeda para a converter en fraccións do penique.

As emisións do seu fillo, Alexandre II (1214-1249) non diferiron substancialmente das de Guillerme.

Alexandre III (1249-1286)

Penique de Alexandre III (1249-1286)
+ALEXANDE'R DEI GRA; cabeza coroada á esquerda, con cetro diante. REX SCOTORUM+, cruz longa con estrelas nos cuarteis.
Penique. AG. 20 mm. 1,33 g. [18]

Baixo Alexandre III (1249-1286) déronse cambios salientables nas emisións monetarias: as tipoloxías renováronse, introducíronse no sistema dúas moedas fraccionarias do penique e ampliouse o número de cecas en funiconamento, ata chegar, xa en 1250, ao inicio do seu reinado, ao número de 16, distribuídas desde Inverness a Berwick.[16][19]

Nos reversos, ampliouse a lonxitude da cruz para chegar ata o bordo da moeda, excedendo os límites da grafila interior e cortando a lenda. No Scotichronicon, referíndose ao ano 1250, descríbeo así:[20]

(Latín)

«Hoc anno moneta etiam Scoticana renovatur : ita ut crux quæ prius non transivit circulum in denarium modo ad extremos fines denarii attingat».

(Galego)

«Neste ano tamén se renova a moeda escocesa: para que a cruz que anteriormente non pasaba o círculo chegue case aos extremos do penique».

Walter Bower, Scotichronicon.[20]

A introdución desta variante na cruz do reverso dos peniques baséase na realizada por Henrique III de Inglaterra (1216-1272) no penique inglés a partir de 1247. Con este sistema procurábase favorecer aínda máis o recorte das moedas en fraccións de medio e dun cuarto de penique.[16]

O alto número de casas de moeda que se ocupaban da cuñaxe dos peniques nesta época relaciónase con dous problemas: dunha banda, a crecente demanda de circulante; por outra, as dificultades na distribución das moedas cuñadas, xa que o sistema de estradas estaba moi pouco desenvolvido. A produción de moeda dos seus predecesores fora bastante escasa e por iso cumpría abrir moitos obradoiros monetarios, para satisfacer unha necesidade puntual. A partir de 1250, a maior parte destas cecas foron pechando novamente.[2]

En 1279, Eduardo I de Inglaterra (1272-1307) iniciou no país veciño a emisión regular de moedas de medio penique e dun cuarto de penique.[21] Ante a necesidade de circulante de valor inferior ao penique, Alexandre II imitou o monarca inglés e comezou tamén en Escocia, só un ano despois, a produción de moedas de medio penique (half penny) e tamén da súa cuarta parte (farthing), como novos valores divisionarios.[22][23]

Diminución do peso

Penique de David II (1329-1371)
+DAVID DEI GRACIA; cabeza do rei cara á esquerda, con cetro diante. [REX] SCT TOR Vm+, cruz alongada, con flores nos cuarteis.
Penny. Ca. 1351-1357. Ceca de Edimburgo. AG. 18 mm. 1,31 g. [24]

O sistema monetario pasou, xa que logo, a basearse nestas tres moedas de prata (penny, half-penny e farthing) ata a reforma monetaria emprendida por David II (1329-1371).[19] David tiña só cinco anos cando morreu o seu pai, Roberto I (1306-1329). Durante a súa minoría de idade cuñáronse só os tres valores dos seus antecesores, e a súa tipoloxía reproducía a seguida nas cuñaxes do seu pai.

Acadou a maioría de idade en 1341 e en 1346 invadiu Inglaterra, onde foi derrotado, capturado e feito prisioneiro do seu cuñado, o rei Eduardo III de Inglaterra (1327-1377). Durante a súa estadía alí, coñeceu as novas moedas que introducira Eduardo III no sistema inglés (o noble de ouro, de 80 peniques, e o groat de prata, de catro peniques) e, logo da súa liberación en 1358,[25] introduciu en Escocia esas novidades, e continuou tamén coa cuñaxe dos peniques.[16]

En 1367 iniciouse a redución do peso dos peniques escoceses, o que supuxo o comezo da diverxencia entre o peso e o valor das moedas escocesas e o das súas homónimas inglesas.[16] O peso do penique, que fora ata entón de 18 grans (ca. 1,161 gramos), baixou ata os 17 grans (ca. 1,097 gramos), cunha mingua superior ao 5 %.

Baixo o seu sucesor, Roberto II de Escocia (1371-1390) o penique foi cuñado mantendo este novo peso, en tanto que baixo Roberto III (1390-1406) sufriu unha nova diminución ata chegar aos 12 grans (0,774 gramos).

O penique de billón e de cobre

Con Xacobe I (1406-1437) situou o seu peso en 16 grans e foi neste reinado cando o penique escocés deixou de estar cuñado en prata e pasou a ser de billón, é dicir que a porcentaxe de prata da súa aliaxe non pasaba do 50 %. E o empobrecemento acrecentouse con Xacobe II (1437-1460), cando, mesmo sendo de billón, o seu peso baixou ata os ca. 6 ou 7 grans.

As amoedacións de Xacobe III (1460-1488) foron moi diversas e, no que respecta ao penique, ao principio pasou a ser cuñado novamente en prata, a partir de 1475, e cun peso recuperado de 10 grans. Porén, nas emisións posteriores a 1485 volveu a estar cuñado en billón e o seu peso baixou novamente, ata os 9 grans.

A partir de Xacobe IV (1488-1514), os peniques seguiron a ser moedas de billón ata que, durante os reinados de Xacobe VI (1567-1625) e de Carlos I (1625-1649), chegaron a cuñarse en cobre. O derradeiro penique escocés foi cuñado neste metal a nome de Carlos I en 1629.[26]

Moedas eclesiásticas

Penique eclesiástico de Crosraguel
Orbe con bandas. Cruz latina dentro de roseta.
Penny. CU. 20 mm. 1,04 g. [27][28]

Do mesmo xeito que noutros reinos europeos, as autoridades relixiosas gozaron tamén nalgún momento do privilexio da cuñaxe de moeda. No caso escocés, tales emisións concéntranse na segunda metade do século XV. Estas moedas, pouco coñecidas, atopáronse en cantidades salientables en 1919 preto da abadía de Crossraguel, en South Ayrshire, fundada en 1244 por Donnchadh, Conde de Carrick.[29] Trátase de peniques e de farthing de cobre e de bronce de escasa calidade, cuñados durante o reinado de Xacobe III.[30]

A tipoloxía xeral dos anversos do penny é un globo terráqueo con bandas rodeado pola lenda +IACOBVS DEI GRA REX. No reverso, unha cruz latina e a inscrición CRVX PELLIT OMNE CRIMEN.[31][32][29]

No caso do farthing hai dúas tipoloxías principais. O primeiro tipo amosa no anverso as letras I R (Iacobus rex) e arredor IACOBVS D G R (con variantes), e no reverso unha cruz longa e, nos cuarteis, MO NE PA UP (moneta pauperum).[33] O segundo tipo presenta no anverso un trevo, en tanto que o reverso é similar ao do primeiro tipo.[34][30]

Monarcas escoceses que emitiron peniques

Notas

  1. ↑ 1,0 1,1 1,2 "1 Penny - David I". Numista.
  2. ↑ 2,0 2,1 Stewart, I. (1955).
  3. ↑ "Penny1". En Dictionary of the Scots Language. 2004. Scottish Language Dictionaries Ltd.
  4. ↑ "peighinn". En Am Faclair Beag ("O pequeno dicionario").
  5. ↑ "sgillinn". En Am Faclair Beag ("O pequeno dicionario").
  6. ↑ Stewart, I. (1955). Páxina 101.
  7. ↑ Klütz, K. (2004).
  8. ↑ "Sale: CNG 69, Lot: 2124". Classical Numismatic Group.
  9. ↑ Stewart, I. (1955). Páxina 1.
  10. ↑ Mackay, J.; Mussel, J. (2016).
  11. ↑ Bateson, D. (1987).
  12. ↑ Seaby, P.; Purvey, F. (1984). Páxina 1.
  13. ↑ Cribb, J.; Cook, B.; Carradice, I. (1990). Páxinas 17-18.
  14. ↑ 14,0 14,1 Stewart, I. (1955). Páxinas 1-8.
  15. ↑ "1 Penny - Prince Henry". Numista.
  16. ↑ 16,0 16,1 16,2 16,3 16,4 Bateson, D. (1987).
  17. ↑ "1 Penny - William I". Numista.
  18. ↑ "1 Penny - Alexander III". Numista.
  19. ↑ 19,0 19,1 Stewart, I. (1955).
  20. ↑ 20,0 20,1 Escrito no século XV por Walter Bower, abade de Inchcolm, continúa o traballo de Xoán de Fordun e ofrece un importante relato da historia escocesa dos primeiros tempos.
  21. ↑ Stewart, I. (1955). Páxinas 16-24.
  22. ↑ "Farthing", "½ penique" e "penique" de Alexandre III. Numista.
  23. ↑ Stewart, I. (1955). Páxinas 16-24.
  24. ↑ "Scotland, David II Bruce, 1329-1371, AR Penny Arquivado 12 de febreiro de 2021 en Wayback Machine.". Vcoins.com
  25. ↑ Foi liberado coa promesa dun rico rescate, mais a mala situación económica impediu o pagamento.
  26. ↑ "1 Penny - Charles I". Numista.
  27. ↑ "383, Lot: 790". Classical Numismatic Group.
  28. ↑ "Crux Pellit Copper". Numista.
  29. ↑ 29,0 29,1 Holmes, N. (2008).
  30. ↑ 30,0 30,1 Stewart, I. (1955).
  31. ↑ "Crux Pellit Copper". Numista.
  32. ↑ A lenda tómase dun verso de Hymnus ante somnum, de Prudencio: Crux pellit omne crimen: / Fugiunt crucem tenebrae: / Tali dicata signo / Mens fluctuare nescit.
  33. ↑ "1 Farthing - James III Type III". Numista.
  34. ↑ "1 Farthing - James III Type IV". Numista.
  35. ↑ "1 Penny - Malcom IV". Numista.
  36. ↑ "1 Penny - William I". Numista.
  37. ↑ "1 Penny - Alexander II". Numista.
  38. ↑ "1 Penny - Alexander III". Numista.
  39. ↑ "1 Penny - John Balliol". Numista.
  40. ↑ "1 Penny - Robert I". Numista.
  41. ↑ "1 Penny - David II". Numista.
  42. ↑ "1 Penny - Robert II". Numista.
  43. ↑ "1 Penny - Robert III". Numista.
  44. ↑ "1 Penny - James III". Numista.
  45. ↑ "1 Penny - James IV". Numista.
  46. ↑ "1 Penny - Mary I". Numista.
  47. ↑ "1 Penny - James VI". Numista.
  48. ↑ "1 Penny - Charles I". Numista.

Véxase tamén

Outros artigos

Bibliografía

Ligazóns externas

Read other articles:

Lim Ju-eun

Ini adalah nama Korea; marganya adalah Lim. Lim Ju-eunLim Ju-eun pada konferensi pers Uncontrollably Fond, 4 Juli 2016Lahir7 Januari 1988 (umur 36)Korea SelatanNama lainIm Joo-eunPendidikanDongduk Women's University - Media Arts and EntertainmentPekerjaanAktrisTahun aktif2005-sekarangAgenKing Kong EntertainmentNama KoreaHangul임주은 Hanja林珠銀 Alih AksaraIm Ju-eunMcCune–ReischauerIm Ju-ŭn Lim Ju-eun (Hangul: 임주은; lahir 7 Januari 1988) adalah aktris asal...

 

2002

Este artículo trata sobre el año 2002. Para otros usos de este término, véase 2002 (desambiguación). Año 2002Años 1999 • 2000 • 2001 ← 2002 → 2003 • 2004 • 2005Decenios Años 1970 • Años 1980 • Años 1990 ← Años 2000 → Años 2010 • Años 2020 • Años 2030Siglos Siglo XX ← Siglo XXI → Siglo XXIITabla anual del siglo XXI Ir al año actualArtes Música • Cine • TelevisiónCategorías Categoría principalNacimientos • Fallecimientos ...

 

Kantor Pos Besar Bandung

Kantor Pos Besar BandungGedung kantor pos besar bandung, 2015Nama sebelumnyaKantor Pos & TelegrafInformasi umumGaya arsitekturArt Deco geometrisLokasiBandung, Jawa BaratNegaraIndonesiaKoordinat6°55′15″S 107°36′22″E / 6.9207311°S 107.6061765°E / -6.9207311; 107.6061765Mulai dibangun1928Diresmikan1931Pemilik IndonesiaDesain dan konstruksiArsitekJ. Ven Gendt Cagar budaya IndonesiaGedung Kantor Pos Besar BandungPeringkatNasionalKategoriBangunanNo. Regn...

Mariam-uz-Zamani

Mariam-uz-ZamaniWali Nimat BegumMariam-uz-ZamaniMalika-e-MuezzamaMalika-e-HindustanShahi BegumPermaisuri Kekaisaran MughalIbu Suri Kekaisaran MughalRajkumari dari AmerPenggambaran artistik Mariam-uz-ZamaniPermaisuri Kekaisaran MughalBerkuasa6 Februari 1562 – 27 Oktober 1605bersama Ruqaiya dan SalimaInformasi pribadiKelahiranRajkumari Hira Kunwari1 Oktober 1542Amer, IndiaKematian19 Mei 1623 (usia 81)[1][2]Agra, India[3]PemakamanMakam Mariam-uz-Zamani, Sikandra, Agra&#...

 

Korean Academy of Science and Technology

Think tank in Seongnam, South Korea Korean Academy of Science and TechnologyAgency overviewFormedJune 7, 1995HeadquartersSeongnam, Gyeonggi-do, South KoreaWebsitewww.kast.or.kr Korean Academy of Science and TechnologyHangul한국과학기술한림원Hanja韓國科學技術翰林院Revised RomanizationHanguk Gwahak Gisul HallimwonMcCune–ReischauerHan'guk Kwahak Kisul Hallimwŏn The Korean Academy of Science and Technology (KAST) is South Korea's highest academy of science and serves as an in...

 

Unione Sportiva Castelnuovo Garfagnana 2002-2003

Questa voce sull'argomento stagioni delle società calcistiche italiane è solo un abbozzo. Contribuisci a migliorarla secondo le convenzioni di Wikipedia. Segui i suggerimenti del progetto di riferimento. Voce principale: Unione Sportiva Dilettantistica Castelnuovo. Unione Sportiva Castelnuovo GarfagnanaStagione 2002-2003Sport calcio Squadra Castelnuovo Allenatore Maurizio Londi Presidente Mauro Marchini Serie C24º posto nel girone B. Maggiori presenzeCampionato: Coppola, Macello...

Dukla Praha

Disambiguazione – Se stai cercando la società nata dalla fusione tra Dukla Praha e FC Portal Příbram, vedi 1. Fotbalový Klub Příbram. Disambiguazione – Se stai cercando l'omonima società calcistica nata nel 2001, vedi Fotbalový Klub Dukla Praha. Dukla PrahaCalcio Segni distintiviUniformi di gara Casa Trasferta Colori sociali Giallo, rosso Dati societariCittàPraga Nazione Rep. Ceca ConfederazioneUEFA Federazione ČMFS Campionato2. liga Fondazione1947 Scioglimento1996StadioNa...

 

Paus kepala busur

Paus kepala busur[1] Balaena mysticetus perbandingan dengan manusia normalRekaman Status konservasiRisiko rendahIUCN2467 TaksonomiKladParahoxozoaKladBilateria$0NephrozoaSuperfilumDeuterostomiaFilumChordata$0OlfactoresSubfilumVertebrataInfrafilumGnathostomataMegaclassOsteichthyesSuperkelasSarcopterygiiKladDipnotetrapodomorphaKladTetrapodomorphaSuperkelasTetrapodaKladReptiliomorphaKladAmniotaKladSynapsidaKladEupelycosauriaKladSphenacodontiaKladSphenacodontoideaKladTherapsidaKladEutherio...

 

Sven (Frozen)

SvenTokoh FrozenPenampilanperdanaFrozen (2013)PenciptaChris BuckJennifer LeePemeranAndrew Pirozzi(Frozen — musikal)Pengisi suaraFrank Welker(efek suara)InformasiSpesiesReindeerJenis kelaminLaki-lakiPekerjaanHewan peliharaan KristoffKeluargaKristoff (pemilik)Trolls (keluarga angkat) Sven adalah sebuah karakter fiksi yang muncul dalam film animasi Frozen (2013) yang diproduksi oleh Walt Disney Animation Studios. Ia adalah hewan peliharaan milik Kristoff. Sven, bersama dengan Kristoff, membant...

Insurgent (novel)

Halaman ini berisi artikel tentang the novel. Untuk the film which is based on it, lihat The Divergent Series: Insurgent. Insurgent Cover of first editionPengarangVeronica RothPerancang sampulJoel TippieNegaraUnited StatesBahasaEnglishSeriDivergent trilogyGenreScience fiction, dystopia, romance, young-adult fictionPenerbitKatherine Tegen BooksTanggal terbitMay 1, 2012Jenis mediaPrint (hardcover)Halaman525 pp (first ed.) 568 pp (collector's ed.)ISBNISBN 0-06-202404-3 (first) ISB...

 

Forbidden Worlds

American comic appearing from 1951 to 1967 Not to be confused with Forbidden World. Forbidden WorldsForbidden Worlds #1 (Oct. 1951), Cover art by Ken BaldPublication informationPublisherAmerican Comics GroupScheduleVaried between monthly and bi-monthlyFormatOngoing when in publicationPublication dateJuly/Aug. 1951 - Aug. 1967No. of issues145Creative teamWritten byRichard E. HughesArtist(s)Harry Lazarus Forbidden Worlds was a fantasy comic from the American Comics Group, which won the 1964 All...

 

University of Georgia desegregation riot

1961 event in Athens, Georgia vteCivil Rights Movement in GeorgiaState of Georgia Gray v. Sanders Bond v. Floyd City of Albany Albany Freedom Rides Albany movement City of Americus Americus movement Leesburg Stockade City of Atlanta Holmes v. City of Atlanta Hebrew Benevolent Congregation Temple bombing Atlanta sit-ins Atlanta's Berlin Wall Heart of Atlanta Motel, Inc. v. United States City of Columbus King v. Chapman City of Savannah Savannah Protest Movement Wright v. Georgia Other localiti...

Portuguese succession crisis of 1580

Succession crisis Part of a series on the History of Portugal Ancient Prehistoric Iberia Pre-Roman Peoples Roman conquest of Hispania Romanization of Hispania Lusitania Gallaecia Suebic Kingdom Visigothic Kingdom Spania Medieval Umayyad conquest of Hispania Al-Andalus Gharb Al-Andalus Almoravid dynasty County of Portugal Reconquista Portuguese House of Burgundy 1383–1385 Crisis Age of Discovery Imperial expansion House of Aviz Portuguese Renaissance Portuguese Empire War of the Portuguese S...

 

Henry Muhlenberg

German-born clergyman and missionary (1711–1787) For other people named Henry Muhlenberg, see Henry Muhlenberg (disambiguation). This article needs additional citations for verification. Please help improve this article by adding citations to reliable sources. Unsourced material may be challenged and removed.Find sources: Henry Muhlenberg – news · newspapers · books · scholar · JSTOR (June 2024) (Learn how and when to remove this message) The Reveren...

 

Untuk-untuk

Untuk-untuk. Untuk-untuk adalah untuk adalah sebuah kue khas Suku Banjar yang berasal dari Kalimantan Selatan, yang umumnya disantap sebagai makanan penutup. Untuk-untuk terbuat dari adonan yang serupa dengan roti (terdiri dari tepung, telur, mentega, santan, gula dan ragi) yang dibentuk menjadi bentuk lonjong atau bulat. Untuk-untuk memiliki isian yang beragam seperti pisang, kacang hijau, kacang tanah, atau hinti (campuran gula merah dan parutan kelapa).[1] Untuk-untuk dapat digoren...

منتخب النرويج لكأس ديفيز

يفتقر محتوى هذه المقالة إلى الاستشهاد بمصادر. فضلاً، ساهم في تطوير هذه المقالة من خلال إضافة مصادر موثوق بها. أي معلومات غير موثقة يمكن التشكيك بها وإزالتها. (يوليو 2019) منتخب النرويج لكأس ديفيز البلد النرويج  تصنيف ITF 57 ▲6 كأس ديفيز أول سنة 1928  [لغات أخرى]‏ سنوات الل...

 

Numerus Batavorum

Politics of ancient Rome Periods Roman Kingdom753–509 BC Roman Republic509–27 BC Roman Empire27 BC – AD 395 Principate27 BC – AD 284 DominateAD 284–641 WesternAD 395–476 EasternAD 395–1453 Timeline Constitution Kingdom Republic Sullan republic Empire Augustan reforms Late Empire Political institutions Imperium Collegiality Auctoritas Roman citizenship Cursus honorum Assemblies Centuriate Curiate Plebeian Tribal Ordinary magistrates Consul Praetor Quaestor Promagistrate Aedile Tr...

 

كأس أيرلندا الشمالية 1997–98

كأس أيرلندا الشمالية 1997–98 تفاصيل الموسم كأس أيرلندا  البلد أيرلندا الشمالية  البطل غلينتوران  عدد المشاركين 32   كأس أيرلندا الشمالية 1996–97  كأس أيرلندا الشمالية 1998–99  تعديل مصدري - تعديل   كأس أيرلندا الشمالية 1997–98 (بالإنجليزية: 1997–98 Irish Cup)‏ هو موسم من ك...

List of Japanese films of 1951

This film-related list is incomplete; you can help by adding missing items. (August 2008) Cinema ofJapan List of Japanese films Pre-1910 1910s 1920s 1930s 1940s 1950s 1950 1951 1952 1953 19541955 1956 1957 1958 1959 1960s 1960 1961 1962 1963 19641965 1966 1967 1968 1969 1970s 1970 1971 1972 1973 19741975 1976 1977 1978 1979 1980s 1980 1981 1982 1983 19841985 1986 1987 1988 1989 1990s 1990 1991 1992 1993 19941995 1996 1997 1998 1999 2000s 2000 2001 2002 2003 20042005 2006 2007 2008 2009 2010s...

 

Queen dowager

Status generally held by the widow of a king This article needs additional citations for verification. Please help improve this article by adding citations to reliable sources. Unsourced material may be challenged and removed.Find sources: Queen dowager – news · newspapers · books · scholar · JSTOR (November 2021) (Learn how and when to remove this message) Part of the Politics seriesMonarchy Central concepts MonarchMonarchismDivine right of kingsManda...