Pedro Rielo

Pedro Rielo na Festa da malla de Doade en 2015.
Biografía
Nacemento	3 de decembro de 1972 (52 anos) Pontevedra, España
Educación	IES Sánchez Cantón Universidade de Santiago de Compostela Universidade Complutense de Madrid
Actividade
Ocupación	escritor, xornalista
Familia
Nai	Paz Lamela Vilariño
Premios
(2018)  Premio Xosé Neira Vilas de Novela Curta

Pedro Rielo Lamela, nado en Pontevedra o 3 de decembro de 1972, é un escritor e xornalista galego.

Estudou no IES Sánchez Cantón e licenciouse en Ciencias da Información pola Universidade Complutense de Madrid, realizou estudos de Xeografía e Historia na Universidade de Santiago de Compostela.

Como xornalista ten colaborado, entre outros medios, no Diario de Pontevedra, El Progreso, A Nosa Terra, La Voz de Galicia, O Correo Galego, Antena 3 TV e Galicia Hoxe.

Como escritor colaborou con poemas en revistas como Dorna, Microfisuras, Bravú e Barataria.

É empregado de Servicios Audiovisuales Overon e dende o 17 de setembro de 2012 é xornalista de directos para os programas informativos da Televisión de Galicia como os Telexornal, A Revista e o Bos Días.

Pedro Rielo é fillo de Paz Lamela Vilariño e sobriño dos cregos escritores Isaac Rielo Carballo e Nicanor Rielo Carballo.

• Illado na incerteza, 2002, Espiral Maior.
• As palabras furtivas, 2006, Espiral Maior.

• Detrás dos perdidos (2019). Ed. Embora. Col. O Globo. 272 páxs. ISBN 978-84-17824-07-5.^[1]

• Ovidio Murguía, 2004, Xunta de Galicia.

• Outubro de 2018: III Premio Xosé Neira Vilas de Novela Curta coa obra Detrás dos perdidos^[2].
• Novembro de 2020: premio Reimóndez Portela. O xurado valorou os seus artigos sobre a lingua, o maltrato e a natureza no Diario de Pontevedra.^[3]

• Ficha do autor en Cultura Galega.