O municipio de Ādaži (en letón, Ādažu novads) é un dos 36 municipios de Letonia. Os 36 municipios son resultado da última reorganización do territorio aprobada o 1 de xuño de 2021, que fusionou o vello municipio de Ādažu e o municipio de Carnikava. Limita coa cidade de Riga ao suroeste, Ropaž ao sur, Sigulda ao leste e ao norte co distrito de Saulkrasti. O bordo noroeste do condado de Ādaži linda co golfo de Riga no mar Báltico. O centro comarcal está situado na propia vila de Ādaži.[1]
Censo
A poboación censada no municipio leva en aumento desde o ano 2000, cun padrón lixeiramente superior aos 20.000 habitantes.[2]
1935
4750
1967
5295 (+11.5%)
1979
9887 (+86.7%)
1989
12556 (+27.0%)
2000
12070 (-3.9 %)
2011
16738 (+38.7%)
2021
21026 (+25.6%)
2024
23281 (+9.7 %)
Historia
A primeira referencia a Adaži en arquivo é a do etnógrafo Johann Christoph Broce, debuxando un mapa da parroquia de Neuermühlen en 1786, deixara a referencia Ahdaischi diante do nome do castelo de Neuermühlen e do nome do pazo de Aahof. Naquela época, a mansión de Aahof era coñecida como mansión Ādaži.
En 1930, a área da parroquia de Ādaži preto de Riga era de 402 km2 e tiña unha poboación de 3300 habitantes. En 1945 estableceuse na parroquia o autogoberno das aldeas de Adaži, Bergi, Carnikova e Garkalne, e en 1949 a parroquia a nival administrativo foi liquidada. A aldea de Ādaži estivo nos distritos de Saulismalis (1949-1956) e Riga (1956). En 1954 a illa Carnikova foi asignada a Ādaži. En 1974, o territorio da granxa colectiva da aldea de Mangaļi engadiuse tamén a Ādaži. En 1977, asignáronse parte da illa de Bergi e parte do territorio de Garkalne e Vangaži. En 2006 a parroquia pasou a ter consideración de municipio.
