Moreda
Igrexa de Santa María de Moreda.
Concello	Taboada[1]
Provincia	Lugo
Coordenadas	42°42′56″N 7°47′07″O / 42.7155, -7.7854
Poboación	88 hab. (2014)
Entidades de poboación	10[1]
[ editar datos en Wikidata ]

Santa María de Moreda é unha parroquia do concello de Taboada na comarca de Chantada, na provincia de Lugo. Segundo o IGE en 2014 tiña 88 habitantes (42 homes e 46 mulleres), 31 menos ca no ano 1999. Están distribuídos entre 10 entidades de poboación, cunha densidade media de 32'5 hab/km².

Pertence ao arciprestado de Insua e Taboada. Limita ao norte con Bembibre e Couto, ao sur con Gondulfe e Campo, ao leste con Carballo e ao oeste con Frade e Gondulfe.

O castro de Moreda, cuxo estado de conservación non pode ser avaliado xa que non se realizou ningunha escavación oficial. Sábese que o castro sufriu o espolio das súas pedras, sendo doado atopalas noutras edificacións e conxuntos arquitectónicos da zona. O castro está situado nun outeiro (570 m sobre o nivel do mar) con fortes pendentes. A entrada do castro sitúase con toda probabilidade na parte nordeste, xa que é a única de fácil acceso.

A igrexa parroquial de Santa María de Moreda é de orixe medieval.

A casa-torre de Moreda foi patrucial dos Camba e os Montenegro, ademais de situarse alí o cárcere xurisdicional no soto a finais do século XIX, aínda se conservaba o cepo dos encadeados.

A festa parroquial celebrase o día 15 de agosto.

• 
  Igrexa de Moreda.
• 
  Casa Torre de Moreda.
• 
  Casa Torre de Moreda.

• Lugares de Taboada