Moalde
Igrexa de San Mamede de Moalde.
Concello	Silleda[1]
Provincia	Pontevedra
Coordenadas	42°42′53″N 8°19′18″O / 42.71464249, -8.3217016
Poboación	192 hab. (2011)
Entidades de poboación	13[1]
[ editar datos en Wikidata ]

San Mamede de Moalde é unha parroquia que se localiza no concello de Silleda. Segundo o IGE en 2011 tiña 192 habitantes (102 mulleres e 90 homes), distribuídos en 13 entidades de poboación, o que supón unha diminución en relación ao ano 1999 cando tiña 267 habitantes.

Os primeiros vestixios de poboamentos en Moalde atópanse no lugar de Eirexe, onde hai un castro con máis de dous mil anos. A igrexa de San Mamede de Moalde, edificada en 1829, ten fachada neoclásica e unha torre-campanario de máis de vinte metros de altura, das máis altas da comarca. Nas proximidades desta, atópanse un cruceiro do século XVII e a capela de San Xosé.

Destaca tamén o Monte San Sebastián, cunha ermida dedicada a este santo e desde onde se ten unha gran panorámica do val de Trasdeza, podendo verse o Pico Sacro e o monte Faro.Recibe tamén o nome de Miradoiro da Rocha.

Nesta parroquia naceu o sindicalista Adrián Troitiño.

• 
  Teleclub de Moalde.
• 
  Cruceiro de Moalde.
• 
  Capela en Moalde.

• Lugares de Silleda

• Ficha de Moalde na web municipal de turismo