PROFILPELAJAR.COM

Manuel Caamaño Suárez
	;
Biografía
Nacemento	2 de xaneiro de 1936 (89 anos); Noia, España
Educación	Escola Técnica Superior de Arquitectura de Barcelona
Actividade
Ocupación	escritor, aparellador
Membro de	Real Academia Galega (membro correspondente) (2004–)
Xénero artístico	Ensaio
Premios
	(2004) Premio Antón Losada Diéguez de investigación ;

Manuel Caamaño Suárez, nado en Noia o 2 de xaneiro de 1936, é un aparellador e escritor galego.

Traxectoria

Estudou Arquitectura técnica na Escola Politécnica de Barcelona. Foi vicesecretario do Centro Galego de Barcelona (1959-1962) e presidente da Agrupación Cultural O Facho (1966-1979). Exerceu a docencia na Escola Universitaria de Arquitectura Técnica da Coruña entre 1975 e 2000. Foi un dos fundadores do Partido Socialista Galego. Tamén foi conselleiro da Editorial Galaxia (1972-1986) e SEPT (1969-1975), promotor e presidente da Sociedade Cultural Escola Aberta (1978-1986), membro fundador de ADEGA en 1976, da Fundación Castelao en 1983 e das revistas Teima e Tempos Novos, en 1976 e 1997, respectivamente. Colaborou con artigos asiduamente en La Voz de Galicia. Actualmente é membro da Fundación Pedrón de Ouro.

Pro e contra da liturxia en galego: historia dunha polémica. Colectiva, canda Xosé Manuel Rodríguez Pampín, SEPT, 1980
Sobre Galicia como responsabilidade, Ediciós do Castro, 1988.
A casa popular, Cadernos do Museo do Pobo Galego, 1999.
As construccións adxetivas, Cadernos do Museo do Pobo Galego, 1999.
As construccións da arquitectura popular. Patrimonio etnográfico de Galicia, 2003, Consello Galego de Colexios de Aparelladores e Arquitectos Técnicos.
Dun tempo e dun país, Laiovento, 2006.

Premio Antón Losada Diéguez de investigación en 2004, por As construccións da arquitectura popular. Patrimonio etnográfico de Galicia.
Premio da Crítica Galicia de investigación en 2004, por As construccións da arquitectura popular. Patrimonio etnográfico de Galicia.
Premio San Martiño, da Asociación 'O Brado' (A Estrada), no 2004, pola defensa e promoción do idioma galego.
Premio Pendello de Honra, da Asociación de Amigos dos Pendellos de Agolada, no 2005, por As construccións da arquitectura popular. Patrimonio etnográfico de Galicia.
Premio Moncho Valcarce de Promoción da Terra (A Coruña), no 2008-
Medalla Manuel Gómez Román, da Asociación de Amigos do Castelo de Maceda Setestrelo, pola súa contribución a crear no País un clima propicio para a recuperación dos nosos valores arquitectónicos tradicionais, en outubro do 2010.
Premio Sereo da Cultura Galega outorgado pola Asociación Barbantia, decembro do 2021.