Juan Sieiro

Juan Sieiro

Biografía
Nacemento	2 de febreiro de 1835 Maside, España
Morte	30 de outubro de 1893 (58 anos) Ourense, España
Actividade
Ocupación	xornalista

Juan Sieiro González, nado en Maside o 2 de febreiro de 1835 e finado en Ourense o 30 de outubro de 1893, foi un filósofo e profesor galego.

Estudou Bacharelato no Seminario de Ourense e empezou a carreira de Filosofía e Letras na Universidade de Santiago de Compostela e rematouna na de Madrid. Ao mesmo tempo estudou Teoloxía na Universidade Pontificia de Toledo. Gañou a cátedra de Grego no Instituto de Pontevedra, pero logo da supresión da cátedra pasou á de Filosofía no Instituto de Ourense. Alí permaneceu ata a súa morte en 1893.

Colaborou en La Ilustración Gallega y Asturiana, Las Provincias, El Eco de Orense, El Heraldo, Galicia e Las Provincias de Madrid, con artigos de crítica literaria e fundou o xornal El Alerta en Pontevedra en 1864.

Juan Sieiro foi un dos principais representantes do krausismo en Galicia e así se reflicte na súa filosofía e no contido das súas clases.

• Catecismo y Filosofía, 1872.
• Psicología y Lógica, 1872.
• El latinismo en el dialecto gallego, 1879.
• Principios de Psicología o antropología psíquica, lógica y ética, 1882.
• Sociología, 1888.

• Quintas Ferreño, Francisco Javier (2016). Juan Sierio González: Educador krausista, heterodoxo, masón. Masónica. 
• Rivas García, Manuel; Domínguez Prieto, Xosé; Lozano Paz, Moises (2005). Dicionario galego de Filosofía. Santa Comba: Tresctres. ISBN 84-933588-9-4.