José Canalejas Casas

Biografía
Nacemento	(es) José Canalejas y Casas 4 de decembro de 1827 Barcelona, España
Morte	2 de novembro de 1902 (74 anos) Madrid, España
Deputado no Congreso dos Deputados
Senador de España
Actividade
Lugar de traballo	Madrid
Ocupación	enxeñeiro, político, científico
Familia
Fillos	José Canalejas Méndez, Luis Canalejas
Irmáns	Francisco de Paula Canalejas y Casas
Descrito pola fonte	Ensayo de un catálogo de periodistas españoles del siglo XIX (1903-1904), (sec:Canalejas y Casas (José María), p.67)

José Canalejas Casas, nado en Barcelona en decembro de 1827 e finado en Madrid en novembro de 1902, foi un enxeñeiro, publicista e político español.

Cursou estudos de enxeñería industrial en Liexa.^[1] Veu a Ferrol en 1854 para facerse cargo da Escola de Maquinistas da Armada,^[2] e dirixiu o periódico El Eco Ferrolano.^[3] Traballou na Compañía de los Caminos de Hierro de Ciudad Real a Badajoz.^[4] Substituíu en 1876 como deputado polo distrito de Arévalo a Telesforo Gómez Rodríguez, elixido nas eleccións de 1876 da Restauración que renunciou por ser o cargo incompatible co de rexistrador da propiedade na localidade abulense.^[5][6] En 1881 foi novamente elixido deputado polo distrito leridano de Les Borges Blanques, substituíndo a Manuel Vivanco Menchaca, elixido nas eleccións de 1879, que renunciou ao cargo en xaneiro de 1881.^[7][8] Foi senador pola provincia de Ávila en 1891.^[9] Foi membro do consello de administración da Sociedad Minero Metalúrgica de Peñarroya (SMMP).^[10]

Casou con María del Amparo Méndez Romero e foi pai de José Canalejas, presidente do Consello de Ministros durante o reinado de Afonso XIII, e de Luis Canalejas, político e enxeñeiro.

• Anuario de los progresos de la industria y la agricultura (1861)^[11]

Wikimedia Commons ten máis contidos multimedia na categoría:  José Canalejas Casas

• Cuenca, Carlos Luis de (30 de novembro de 1902). "D. José Canalejas y Casas". La Ilustración Española y Americana: 318–319. ISSN 1699-8677. 

• Cobos, Francisco de los (2003). "Peñarroya-Fuente del Arco-Puertollano. El ferrocarril minero de una multinacional" (PDF). III Congreso de Historia Ferroviaria «Siglo y medio de ferrocarri en Asturias» (Gijón: Fundación de los Ferrocarriles Españoles). 
• Martín, Joan C. (2014). L'aportació dels enginyers industrials de Catalunya a l'enologia (i la viticultura). Valencia: Anaconda Editions. ISBN 978-84-937044-3-8.