Johan Christian Fabricius, nado en Tønder (en alemán Tondern), Xutlandia (actual Dinamarca) o 7 de xaneiro de 1745 e finado en Kiel, Alemaña o 3 de marzo de 1808, foi un naturalista, entomólogo e economista danés.
Foi un especialista dos Insecta que, no seu tempo, ademais dos insectos propiamente ditos o concepto incluía todos os artrópodos (arácnidos, crustáceos e outros).
Foi un do discípulos de Carl Linnaeus, e está considerado como un dos entomólogos máis importantes do século XVII. Deu o nome a unhas 10 000 especies de animais e estableceu as bases da moderna clasificación dos insectos e dos arácnidos.[1]
Traxectoria
Johan Christian Fabricius neceu en Tønder, Ducado de Schleswig, onde seu pai era médico. Fixo os seus primeiros estudos en Altona (Hamburgo), entrando posteriormente (1762) na Universidade de Copenhague. Nese mesmo ano viaxou xunto co seu amigo e parente Johan Zoëga á Universidade de Uppsala, onde estudou baixo a titoría de Linneo durante dous anos.[2]
Á súa volta comezou a traballar na súa magna obra Systema entomologiæ, que se publicaría en 1775.[2]
Foi profesor de historia natural, economía e finanzas na Universidade de Kiel en 1775, e visitante regular do Museo Británico de Londres, onde estudou moitas das coleccións alí gardadas.[3]
Principais obras
Entomología
- Systema Entomologiae sistens insectorum classes, ordines, genera, species, adiectis synonymis, locis, descriptionibus, observationibus. Libraria Kortii, Flensburgi et Lipsiae. 832 pp. 1775
- Genera Insectorum; Species insectorum sistens eorum differentias specificas, synonymia auctorum, loca natalia, metamorphosis etc... 1776
- Philosophia Entomológica. 1778
- Anfangsgründe der oekonomischen Wissenschaften, 1778
- Species insectorum. 552 pp. 1781
- Über die Volksvermehrung, insonderheit in Dänemark. 1781
- Mantissa Insectorum. 1787
- Entomologia Systematica emendata et aucta: Secundum classes, ordines, genera, species, adjectis synonimis, locis, observationibus, descriptionibus. 5 tomos. 519 pp. 1792-1794
- Supplementum Entomologiae Systematicae. 572 pp. 1798
- Systema Eleutheratorum. 1801
- Rhyngotorum. 1803
- Systema Piezatorum. Carolum Reichard, Brunsviga. 439 pp. 1804
- Antliatorum. 1805
Economía
- Von der Volks-Vermehrung insonderheit in Dännemark. Hamburg und Kiel, bey C. E. Bohn,
Abreviaturas
- A abreviatura J.Fabr. emprégase para indicar a Johan Christian Fabricius como autoridade na descrición e clasificación científica dos vexetais.
- A abreviatura Fabricius emprégase para indicar a Johan Christian Fabricius como autoridade na descrición e taxonomía en zooloxía.
Notas
Véxase tamén
Ligazóns externas
