Janet Biehl, nada o 4 de setembro de 1953, é unha anarquista estadounidense e unha das autoras máis salientables da ecoloxía social. En 1986 comeza a súa colaboración no Instituto para a Ecoloxía Social, onde se volveu colega de Murray Bookchin, traballando intensamente xunto a el as seguintes dúas décadas en ampliar a formulación, definición e explicación das ideas polas que son mundialmente recoñecidos.
De 1987 a 2000 publicaron en coautoría Green Perspectives, logo denominada Left Green Perspectives. Escribiu e editou numerosos libros e artigos que interpretan e avogan polas ideas do municipalismo libertario, a ecoloxía social e o ecofeminismo, e que até a data teñen unha enorme influencia sobre o movemento libertario. O seu libro The Politics of Social Ecology condensa as ideas de Bookchin sobre democracia directa. O mesmo Bookchin consideraba a The Murray Bookchin Reader, que ela editaba, a mellor introdución ó seu traballo.
Escolma de obras
- Biehl, Janet (1991). Finding Our Way: Rethinking Ecofeminist Politics. Montreal: Black Rose Books. ISBN 0921689780.
- Biehl, Janet (1995). Ecofascism: Lessons from the German Experience. Edinburgh and San Francisco: AK Press. ISBN 1873176732.
- Biehl, Janet (editor) (1997). The Murray Bookchin Reader. Londres: Cassell. ISBN 0304338745.
- Biehl, Janet (1998). The Politics of Social Ecology: Libertarian Municipalism. Montreal: Black Rose Books. ISBN 1551641003.
- Biehl, Janet (2011). Mumford Gutkind Bookchin: The Emergence of Eco-decentralism. Porsgrunn, Norway: New Compass. ISBN 9788293064107.
- Biehl, Janet (translator) (2013). Democratic Autonomy in North Kurdistan: A Reconnaissance into Southeastern Turkey: The Council Movement, Gender Liberation, and Ecology--in Practice. Porsgrunn, Norway: New Compass. ISBN 9788293064268.
- Biehl, Janet (2015). Ecology or Catastrophe: The Life of Murray Bookchin. New York: Oxford University Press. ISBN 0199342482.
- Biehl, Janet (translator) (2016). Revolution in Rojava: Democratic Autonomy and Women's Liberation in Northern Syria. Londres: Pluto Press. ISBN 978-0745336596.
Véxase tamén
Outros artigos
