Heineken Cup

Tipo	competición de rugby a 15
Localización  e  Datas
Localización	Italia Inglaterra (Reino Unido) Illa de Irlanda Gales (Reino Unido) Francia Escocia (Reino Unido)
Vixencia	1995 –
Competición
Primeiro posto	Saracens F.C.
Datos estatísticos
Partidos	67

Para a actual máxima competición entre clubs europea de rugby véxase: European Rugby Champions Cup.

A Heineken Cup foi a máxima competición europea de clubs de rugby entre 1995 e 2014. A particularidade e a orixinalidade da Heineken Cup foi facer competir entre eles a clubs, rexións e franquías das seis nacións: Francia, Inglaterra, Irlanda, Escocia, Gales e Italia. (Tamén outros clubs romaneses participaron na Heineken Cup e os mellores clubs españois e portugueses na European Challenge Cup que viría sendo máis ou menos o equivalente da Copa da UEFA en fútbol). Na temporada 2014-2015, a Heineken Cup foi substituída pola European Rugby Champions Cup.

Nos anos '60, franceses, romaneses e alemáns xa trataran de crear unha Copa de Europa de rugby con clubs representando a cada un deses países. Mais os clubs británicos non participaban na competición.

Nos anos '80 o club francés do Stade Toulousain organizara un Master e un Torneo do centenario, onde os mellores clubs e provincias de varios países do mundo participaban. Esas competicións foron gañadas por ese mesmo club.

Logo do terceiro mundial de rugby en 1995, a International Rugby Board tomou a decisión de autorizar a práctica profesional do rugby. Pouco tempo despois, os clubs e provincias de Francia, Gales, Irlanda, Italia e Romanía participaron na primeira Copa de Europa de rugby, e o fabricante de cervexa holandés Heineken xa era o principal patrocinador da competición.

No ano 2012, clubs franceses e ingleses manifestaron protestas contra o formato e a estrutura da Heineken Cup (organizada pola European Rugby Cup (ERC)) basándose na distribución de fondos económicos e no sistema de clasificación. Algúns fixeron protestas de que nun futuro, en lugar de que os países do Pro12 mandaran o mellor equipo de cada nación, tiveran que ir os mellores posicionados do Pro 12, sendo indiferente a súa nacionalidade.

En xuño de 2012, a Aviva Premiership e o Top 14, en representación dos clubs ingleses e franceses, notificáronlle á ERC que nun prazo de dous anos os equipos deixarían de xogar na Heineken Cup e no European Challenge Cup.

En setembro de 2012, os equipos da liga inglesa anunciaron un contrato de catro anos de televisión por 125.000.000 £ con BT Sport, o cal incluía os dereitos tanto para as competicións nacionais como para as competicións europeas. A ERC respondeu este anuncio reclamando á liga de Inglaterra que non tiña os dereitos das competicións europeas e anunciando un contrato da mesma duración para estes torneos pero con Sky Sports. En consecuencia, 12 meses máis tarde destes anuncios, os equipos ingleses e franceses proclamaron a súa intención de organizar o seu propio torneo continental, convidando ao resto de clubs europeos a unirse a el. Esta competición chamaríase Copa de Campións (en inglés: Champions Cup).

Un mes máis tarde, en outubro de 2013, a Federación de Rugby de Gales, representando os catro equipos da nación, confirmou o seu total apoio á nova Copa de Campións de rugby proposta polos ingleses e franceses.

O 10 de abril de 2014, logo de dous anos de duras negociacións, unha organización nova denominada European Professional Club Rugby anunciou que os tres grupos anteriores firmaran un acordo para a formación da European Rugby Champions Cup, a European Rugby Challenge Cup e un novo Torneo de Clasificación. No mesmo día, BT e Sky firmaron outro acordo, este para dividirse a cobertura da nova competición europea. Os dous emitirían os partidos da fase de grupos á metade, así como os cuartos de final e as semifinais. A final retransmitiríana as dúas canles de televisión á vez. BT tería o dereito preferente para elixir os partidos da Copa de Campións, mentres que Sky tería esa preferencia para os partidos da Challenge Cup.

Finais da Heineken Cup / Champions Cup
Tempada	CAMPIÓN	Resultado	FINALISTA	Final
2020/21	Stade Toulousain	22 - 17	Stade Rochelais	Twickenham Stadium, Londres
2019/20	Exeter Chiefs	31 - 27	Racing 92	Ashton Gate Stadium, Bristol
2018/19	Saracens FC	20 - 10	Leinster Rugby	St James' Park, Newcastle
2017/18	Leinster Rugby	15 - 12	Racing 92	San Mamés, Bilbao
2016/17	Saracens FC	28 - 17	ASM Clermont	Murrayfield Stadium, Edimburgo
2015/16	Saracens FC	21 - 9	Racing 92	Parc Olympique Lyonnais, Lion
2014/15	RC Toulon	24 - 18	ASM Clermont	Twickenham Stadium, Londres
2013/14	RC Toulon	23 - 6	Saracens FC	Millennium Stadium, Cardiff
2012/13	RC Toulon	16 - 15	ASM Clermont	Aviva Stadium, Dublín
2011/12	Leinster Rugby	42 - 14	Ulster Rugby	Twickenham Stadium, Londres
2010/11	Leinster Rugby	33 - 22	Northampton Saints	Millennium Stadium, Cardiff
2009/10	Stade Toulousain	21 - 19	Biarritz Olympique	Stade de France, Saint Denis
2008/09	Leinster Rugby	19 - 16	Leicester Tigers	Murrayfield Stadium, Edimburgo
2007/08	Munster Rugby	16 - 13	Stade Toulousain	Millennium Stadium, Cardiff
2006/07	London Wasps	22 - 16	Leicester Tigers	Twickenham Stadium, Londres
2005/06	Munster Rugby	23 - 19	Biarritz Olympique	Millennium Stadium, Cardiff
2004/05	Stade Toulousain	18 - 12	Stade Français	Murrayfield Stadium, Edimburgo
2003/04	London Wasps	27 - 20	Stade Toulousain	Twickenham Stadium, Londres
2002/03	Stade Toulousain	22 - 17	USAP Perpignan	Lansdowne Road, Dublín
2001/02	Leicester Tigers	15 - 9	Munster Rugby	Millennium Stadium, Cardiff
2000/01	Leicester Tigers	34 - 30	Stade Français	Parc des Princes, París
1999/00	Northampton Saints	9 - 8	Munster Rugby	Twickenham Stadium, Londres
1998/99	Ulster Rugby	21 - 6	US Colomiers	Lansdowne Road, Dublín
1997/98	Bath Rugby	19 - 18	CA Brive-Corrèze	Parc Lescure, Bordeos
1996/97	CA Brive-Corrèze	28 - 9	Leicester Tigers	Arms Park, Cardiff
1995/96	Stade Toulousain	21 - 18	Cardiff RFC	Arms Park, Cardiff

Equipo	Campión	Finalista	Anos campión	Anos finalista
Stade Toulousain	5	2	95/96, 02/03, 04/05, 09/10, 20/21	03/04, 07/08
Leinster Rugby	4	1	08/09, 10/11, 11/12, 17/18	18/19
Saracens FC	3	1	15/16, 16/17, 18/19	13/14
RC Toulon	3	0	12/13, 13/14, 14/15
Leicester Tigers	2	3	00/01, 01/02	96/97, 06/07, 08/09
Munster Rugby	2	2	05/06, 07/08	99/00, 01/02
Wasps RFC	2	0	03/04, 06/07
Ulster Rugby	1	1	98/99	11/12
Northampton Saints	1	1	99/00	10/11
CA Brive	1	1	96/97	97/98
Bath Rugby	1	0	97/98
Exeter Chiefs	1	0	19/20
ASM Clermont	0	3		12/13, 14/15, 16/17
Racing 92	0	3		15/16, 17/18, 19/20
Stade Français	0	2		00/01, 04/05
Biarritz Olympique	0	2		05/06, 09/10
USAP Perpignan	0	1		02/03
US Colomiers	0	1		98/99
Cardiff RFC	0	1		95/96
Stade Rochelais	0	1		20/21

• Páxina web oficial da EPCR (en inglés)