PROFILPELAJAR.COM

Grace Hopper
	; (1984)
Nome orixinal	(en) Grace Murray Hopper
Biografía
Nacemento	(en) Grace Brewster Murray ; 9 de decembro de 1906 ; Nova York, Estados Unidos de América
Morte	1 de xaneiro de 1992 (85 anos); Condado de Arlington, Estados Unidos de América
Lugar de sepultura	Cemiterio Nacional de Arlington, Section 59, grave 973 38°52′39″N 77°03′56″O / 38.87752, -77.065522
Residencia	Nova York
Educación	Universidade Yale - matemáticas (–1934); Universidade Yale - Mestrado (1928–1930); Vassar College (pt) - matemáticas, física (1924–1928); Wardlaw-Hartridge School (en) (1923–1924)
Tese académica	New Types of Irreducibility Criteria (en) (1934 )
Director de tese	Øystein Ore
Actividade
Campo de traballo	Ciencias da computación
Ocupación	matemática, profesora universitaria, programadora, informática teórica, oficial da armada, física
Período de actividade	1943 -
Empregador	Digital Equipment Corporation (1986–1990) ; Naval Sea Systems Command (en) (1966–1986) ; Sperry Corporation (en) (1955–1966) ; Remington Rand (pt) (1950–1955) ; Eckert-Mauchly Computer Corporation (pt) (1949–1971) ; Bureau of Ships (en) (1943–1949) ; Vassar College (pt) (1931–1943)
Membro de	Academia das Artes e das Ciencias dos Estados Unidos ; Phi Beta Kappa ; Daughters of the American Revolution ; Asociación Americana para o Avance das Ciencias
Interesada en	Harvard Mark I (pt) , Harvard Mark II (pt) e Harvard Mark III (en)
Profesores	Howard Engstrom (en)
Influencias	John Mauchly (pt) , Howard Aiken (pt) e Richard Courant
Carreira militar
Rama militar	Armada dos Estados Unidos de América
Rango militar	rear admiral (en) (1985–)
Conflito	segunda guerra mundial
Participou en
	CODASYL (pt)
Obra
	Obras destacables (1955) Flow-Matic ;
Arquivos en	Museu da História do Computador (pt) ; Museo Nacional de Historia Estadounidense ; Instituto Charles Babbage (pt) ; Schlesinger Library (en) ;
Familia
Cónxuxe	Vincent Foster Hopper (1930–1945), divorcio
Pais	Walter Fletcher Murray e Mary Campbell van Horne
Premios
	(2016) Medalla Presidencial da Liberdade; (1994) National Women's Hall of Fame; (1991) Medalla Nacional de Tecnoloxía e Innovación; (1988) Prêmio Emanuel R. Piore IEEE (pt) ; (1987) Computer History Museum fellow (en) ; (1987) premio Washington; (1985) Defense Distinguished Service Medal (en) ; (1983) ACM Distinguished Service Award (en) ; (1979) Prêmio W. Wallace McDowell (pt) ; (1973) Distinguished Fellow of the British Computer Society (en) ; (1973) Lexionario da Lexión do Mérito; (1973) Fellow of the British Computer Society (en) ; (1972) Medalla Cruz Wilbur; (1970) Prêmio Memorial Harry H. Goode (pt) ; (1964) Society of Women Engineers Achievement Award (en) ; Armed Forces Reserve Medal (en) ; Lexión do Mérito; Medalla da Campaña Americana; Medalla de Servizo na Defensa Nacional; Membro da Academia Estadounidense das Artes e as Ciencias; Meritorious Service Medal (en) ; Medalla da Vitoria da segunda guerra mundial ;
Descrito pola fonte	Science Stories (en) ; Forgotten Women: The Scientists (en) , (p.187-190); Obálky knih,

Grace Murray Hopper, nada en Nova York o 9 de decembro de 1906 e finada no condado de Arlington o 1 de xaneiro de 1992, foi unha científica da computación e militar estadounidense con grao de contraalmirante. Foi unha pioneira no mundo das ciencias da computación e foi a primeira programadora que empregou o Mark I. Entre as décadas de 1950 e 1960 desenvolveu o primeiro compilador para unha linguaxe de programación e tamén achegou métodos de validación. ^[1]^[2]^[3]^[4]^[5]

Popularizou a idea dunha máquina independente das linguaxes de programación, o que derivou no desenvolvemento de COBOL, unha linguaxe de alto nivel de programación que aínda se emprega. Hopper intentou alistarse na mariña estadounidense durante a segunda guerra mundial, mais tivo que unirse á reserva da armada porque tiña 34 anos. Era coñecida polas súas amizades como Amazing Grace.^[6]

Traxectoria

Grace Brewster Murray, naceu en Nova York e era bisneta de Alexander Russell, un almirante da Armada dos Estados Unidos. Este foi o seu modelo e o seu heroe persoal. Tamén era neta dun enxeñeiro civil, John Van Horne. Os seus pais foron Walter Fletcher Murray, corretor de seguros e Mary Campbell Van Horne. Dende moi nena amosou aptitudes para as ciencias e as matemáticas. Recibiu sempre o apoio do seu avó e do seu pai para que as estudase, pois quería que as súas fillas tivesen as mesmas oportunidades que o seu fillo varón. Tamén a atraían moito todo tipo de dispositivos mecánicos, tanto que con sete anos desmontou todos os reloxos da súa casa para ver se podía entender como funcionaban. En 1930 casou con Vincent Foster Hopper, doutor en literatura en lingua inglesa, que foi durante anos presidente do departamento de inglés da universidade de Nova York. Vincent e Grace divorciáronse en 1945 sen teren fillos.

Estudos

Hopper estudou en varias escolas privadas para mulleres, e en 1924 ingresou en Vassar College en Nova York, onde estudou matemáticas e física, graduándose con honores en 1928. Pouco despois, obtivo unha bolsa para cursar un mestrado en matemáticas na universidade Yale, onde se graduou en 1930.

Ofrecéronlle un posto como axudante no departamento de matemáticas de Vassar College, onde permaneceu ata 1943. Mentres, continuou os seus estudos en Yale, onde se doutorou en matemáticas en 1934.

Ingreso na armada

Seguindo os pasos do seu bisavó, en 1943 decidiu unirse ás forzas armadas en plena segunda guerra mundial, para o que tivo que obter un permiso especial. Asistiu á escola de cadetes navais para mulleres, graduándose como a primeira da súa clase en 1944 co rango de tenente. Foi enviada a Harvard para traballar no proxecto de computación que dirixía o comandante Howard Aiken, a construción do Mark I.

Ao acabar a guerra, Hopper quixo seguir na armada, mais cumprira corenta anos en 1946 e o límite de idade era de 38, polo que foi rexeitada, aínda que si puido permanecer na reserva. Seguiu entón en Harvard como investigadora xunto con Aiken. Desenvolveu varias aplicacións contables para o Mark I, que estaba a ser empregado por unha compañía de seguros.

Permaneceu en Harvard ata 1949, cando comezou a traballar na Eckert - Mauchly Corporation en Filadelfia, que neses momentos estaban a desenvolver as computadoras BINAC e UNIVAC I. Traballou nesa compañía e nas súas sucesoras ata a súa xubilación en 1971. Alí foi onde Hopper realizou as súas maiores contribucións á programación moderna. En 1952, desenvolveu o primeiro compilador da historia, o A-0, e en 1957 creou o primeiro compilador para o procesamento de datos que empregaba ordes en inglés, o B-0 (FLOW-MATIC), utilizado principalmente para o cálculo de nóminas.

Cobol

Trala súa experiencia con FLOW-MATIC, Hopper pensou que podía crearse unha linguaxe de programación que usase ordes en inglés e que servise para aplicacións de negocios. Con esta idea, establecéronse as bases para COBOL e dous anos despois creouse o comité que deseñou esta linguaxe. Aínda que Hopper non tivo un papel destacado no desenvolvemento da linguaxe, foi membro o comité orixinal para crealo, e o FLOW-MATIC foi unha influencia tan importante no deseño de COBOL, que Hopper pasou á historia da informática como a súa creadora.

COBOL foi a primeira linguaxe que ofreceu unha auténtica interface aos recursos dispoñibles no computador, de xeito que o programador non tiña que coñecer os detalles específicos. Ademais, os programas desenvolvidos para unha plataforma concreta podían ser executados nun ordenador diferente a aquel no que se programaran sen necesidade de facer cambios.

Ao final da súa carreira profesional participou nos comités de estandarización das linguaxes de programación COBOL e FORTRAN.

Reingreso na armada

Hopper permaneceu na reserva ata finais de 1966, cando tivo que retirarse co grao de capitán de fragata, por alcanzar o límite de idade. Con todo, este retiro durou pouco, xa que a armada a volveu chamar en agosto de 1967 en principio, por un período de seis meses para que estandarizase as linguaxes de alto nivel que empregaba, mais que finalmente foi de forma indefinida. Retirouse de novo en 1971 e pedíuselle que volvese ao servizo de novo en 1972. Foi ascendida a capitán de navío en 1973.

En 1983 ascendeu a Contraalmirante e en 1986 retirouse da armada definitivamente, sendo nese momento a oficial de máis idade da armada dos Estados Unidos. Tralo seu retiro, incorporouse como asesora en Digital Equipment Corporation, participando en foros industriais e dando unhas 200 conferencias por ano e participando en programas educativos ata a súa morte.

Faleceu mentres durmía no seu domicilio de Arlington, Virxinia, o 1 de xaneiro de 1992, aos oitenta e cinco anos. Foi enterrada con todos os honores militares o 7 de xaneiro no cemiterio Nacional de Arlington.

Recoñecementos

Ao longo da súa vida, recibiu numerosos recoñecementos, que inclúen máis de corenta doutoramentos honoris causa, a Medalla Wilbur Lucius Cross de Yale, o rango de capitán en 1973, o de comodoro en 1983 e o de contraalmirante en 1985.

En 1969 recibiu o título de Home do ano en ciencias da computación (Data Processing Management Association) e en 1973 foi a primeira muller nomeada membro distinguido da British Computer Society.

Trala súa xubilación recibiu a Medalla de Servizo Distinguido de Defensa (1986) e a Medalla nacional de tecnoloxía (1991). O 22 de novembro de 2016 foi galardoada a título póstumo coa Medalla Presidencial da Liberdade polos seus logros no campo da computación polo presidente Barack Obama.