Furia de titáns (en inglés: Clash of the Titans) é un filme estadounidense dirixido por Louis Leterrier baseado no filme de 1981 Loita de titáns. A historia trata sobre o mito grego de Perseo.
Sinopse
Perseo (Sam Worthington) é fillo do deus Zeus (Liam Neeson) e a esposa humana de Acrisio (Jason Flemyng) rei de Argos. Noutras palabras: Perseo é un semi-deus. Ó decatarse do sucedido, Acrisio asasina a súa muller e enterra o cadáver xunto ó bebé acabado de nacer nun cadaleito que guinda ó mar. Por esta acción, o home é convertido en besta. Namentres, o pescador Dictis (Pete Postlethwaite) atopa o cadaleito e adopta o meniño.
Os habitantes de Argos, liderados polo seu rei, destrúen unha estatua adicada a Zeus, e o seu irmán envexoso Hades (Ralph Fiennes) decide vingarse por iso e mátaos, incluída a familia adoptiva de Perseo. Os soldados logran rescatalo e Hades aparece para advertilos de algo: no próximo eclipse de Sol, o demo Kraken destruirá a cidade en vinganza. A única solución é sacrificar a princesa Andrómeda (Alexa Davalos).
Coa axuda de oito soldados e dous cazadores, Perseo liderará un grupo para salvar a cidade e vingarse do asasinato da súa familia adoptiva, para así evitar que o seu tío logre derrocar a seu pai, do cal recibe axuda momentaneamente. Liderando unha banda de bravos guerreiros e acompañado por Ío (quen o protexeu dende que era un bebe), Perseo emprende unha perigosa viaxe meténdose en mundos prohibidos.
Personaxes
Notas
Véxase tamén
Ligazóns externas
.svg){kind=small}
