Francisco Javier Ugarte Pagés, nado en Barcelona o 24 de febreiro de 1852 e finado en Madrid o 27 de xuño de 1919, foi un avogado e político catalán.
Traxectoria
Membro do Partido Conservador, foi elixido deputado polo distrito do Carballiño nas eleccións de 1891. Nas eleccións de 1896 foi elixido polos distritos do Carballiño e Santiago de Cuba. Nas eleccións de 1898 volveu ser elixido por Santiago de Cuba. Volveu obter o escano polo distrito do Carballiño en todos os procesos electorais celebrados entre 1899 e 1903. En 1903 renunciou ao escano de deputado para ocupar unha praza no Senado ao ser nomeado senador vitalicio.
Foi ministro de Gobernación durante a rexencia de María Cristina de Habsburgo-Lorena entre o 23 de outubro de 1900 e o 6 de marzo de 1901 nun goberno presidido por Azcárraga co que tamén foi ministro de Graza e Xustiza entre o 16 de decembro de 1904 e o 23 de xuño de 1905. Tamén foi Fomento entre o 27 de outubro de 1913 e o 25 de outubro de 1915 nun gabinete presidido por Eduardo Dato.
Véxase tamén
Ligazóns externas
.jpg)
.svg){kind=small}
