Fornjot, ou Saturno XLII, é unha pequena lúa de Saturno. Foi descuberta por Scott S. Sheppard, David C. Jewitt, Jan Kleyna, e Brian G. Marsden o 4 de maio do 2005, a partir de observacións feitas entre o 12 de xaneiro do 2004 e o 11 de marzo do 2005 e recibiu a designación temporal de S/2004 S 8.

Fornjot ten uns 6 kms de diámetro e orbita Saturno a unha distancia media de 23,609 millóns de kms en 1354 días, cunha inclinación orbital de 168° respecto da eclíptica (160° respecto do ecuador de Saturno), de movemento retrógrado e cunha excentricidade de 0,186.

Recibiu o seu nome oficial a partir da mitoloxía nórdica. Nesta mitoloxía, Fornjót era un xigante, pai de Ægir, Kari e Loge.

• Institute for Astronomy Saturn Satellite Data
• Jewitt's New Satellites of Saturn page
• IAUC 8523: New Satellites of Saturn 4 de maio do 2005 (descubrimento)
• MPEC 2005-J13: Twelve New Satellites of Saturn 3 de maio do 2005 (descubrimento e efemérides)
• IAUC 8826: Satellites of Jupiter and Saturn 5 de abril do 2007 (nomeando a lúa)

• Grupo Nórdico
• Saturno