Bestla ou Saturno XXXIX (a súa designación provisional era S/2004 S 18) é unha lúa irregular de movemento retrógrado de Saturno. O seu descubrimento foi anunciado por Scott S. Sheppard, David C. Jewitt, Jan Kleyna, e Brian G. Marsden o 4 de maio de 2005 a partir de observacións feitas entre o 13 de decembro do 2004 e o 5 de marzo do 2005.

Bestla ten uns 7 kms de diámetro, e orbita Saturno a unha distancia media duns 20,192 millóns de kms en 1088 días, cunha inclinación orbital de 147° respecto da eclíptica (151° respecto do ecuador de Saturno), posúe un movemento retrogrado e unha excentricidade orbital de 0,5176.^[1] Algunhas observacións feitas no 2005, suxiren que Bestla podería ter unha grande excentricidade, dun valor de 0,77.^[2] Coma moitas outras lúas irregulares de xigantes gasosos, a excentricidade de Bestla podería variar coma resultado do efecto de Kozai.

Recibiu o seu nome oficial en abril do 2007, unha xigante de xeo da mitoloxía nórdica, nai de Odín.

1. ↑ Jacobson, R.A. (2007) SAT270, SAT271 (28-06-2007). JPL/NASA, ed. "Planetary Satellite Mean Orbital Parameters". Consultado o 19-01-2008. 
2. ↑ Brian G. Marsden (03-05-2005). Minor Planet Center, ed. "MPEC 2005-J13 : Twelve New Satellites of Saturn". Consultado o 19-01-2008. 

• Grupo Nórdico
• Saturno

• Saturn's Known Satellites (por Scott S. Sheppard) (en inglés)
• Jewitt's New Satellites of Saturn page
• IAUC 8523: New Satellites of Saturn 4 de maio do 2005 (descubrimento)
• IAUC 8826: Satellites of Jupiter and Saturn 5 de abril do 2007 (bautizando a lúa)