PROFILPELAJAR.COM

Economía de Eslovaquia
Moeda	Euro
Organizacións comerciais de que fai parte	OMC, Unión Europea, OCDE, OSCE
Datos estatísticos
PIB	132,4 mil millóns (2012)
Posición do PIB	64ª no mundo
Crecemento do PIB	2,6% (2012)
PIB per cápita	$ 24 300 (2012)
PIB por sector	agricultura 3,8%, industria 36,4%, comercio e servizos 59,8% (2012)
Inflación	3,6% (2012)
Poboación abaixo da limiar de pobreza	dato non dispoñíbel
Total da forza de traballo	2.724.000 (2012)
Forza de traballo por sector	agricultura 3,5%, industria 27%, comercio e servizos 69,4% (2009)
Desemprego	12,8% (2012)
Industrias	metais e produtos de metal, alimentos e bebidas, electricidade, gas natural, coque, petróleo, combustíbel nuclear, produtos químicos e fibras artificiais, máquinas, papel e impresos, cerámica, vehículos de transporte, téxtiles, aparellos ópticos e eléctricos, produtos de caucho
Parcerías comerciais
Exportacións	77,82 mil millóns (2012)
Produtos de exportación	máquinas e equipos eléctricos 35,9%, vehículos 21%, metais 11,3%, produtos químicos e minerais 8,1%, plásticos 4,9% (2009 est)
Principais mercados	Alemaña 21,4%, República Checa 15,1%, Polonia 7,9%, Hungría 7,8%, Austria 7,5%, Francia 6,7%, Italia 5,2% (2011)
Importacións	74,29 mil millóns (2012)
Principais produtos importados	máquinas e equipamentos de transporte 31%, produtos minerais 13%, vehículos de 12%, metais de base 9%, produtos químicos 8%, plásticos 6% (2009 est)
Principais mercados	Alemaña 19,3%, República Checa 18,5%, Rusia 11,4%, Hungría 7%, Polonia 5,5%, Austria 4,6%, Italia 4,1%, República Popular da China 4% (2011)
Finanzas públicas
Débeda externa	72,94 mil millóns (2012)
Ingresos	dato non dispoñible
Gastos	dato non dispoñible

A Eslovaquia enfrontou moitas dificultades na transición dunha economía socialista para a economía de mercado. O goberno do primeiro ministro Mikuláš Dzurinda fixo grandes progresos entre os anos 2001 ata 2004 na estabilidade macroeconómica e nas reformas estruturais. Grandes privatizacións están case completas, o sector bancario está case todo en mans estranxeiras, e o goberno axudou ao crecemento dos investimentos estranxeiros, liberalizando o mercado. Foron realizadas reformas nos impostos e nos sectores de saúde, pensións, e no sistema de seguridade social, que axudaron ao país a consolidar o seu orzamento e atender os requisitos para adopción do Euro, o que aconteceu o 1 de xaneiro de 2009^[1].

Integración na zona euro

Os progresos económicos de Eslovaquia desde a súa creación en 1993 foron considerables, cando este país separouse da República Checa, moitos escépticos vían moi complicada a súa supervivencia económica. A República Checa tiña unha posición inicial máis preparada ao acoller a industrias principais existentes na antiga Checoslovaquia e ademais o seu tamaño era o dobre que Eslovaquia, en termos de territorio e de poboación.

Os primeiros anos da independencia eslovaca foron bastante caóticos, entre 1993 e 1998 caracterizouse por ser unha época de grandes privatizacións e de creación dunha clase empresarial nacional, que terminou cunha grave crise bancaria, cuxa resolución tivo un alto custo para as arcas do país.

A partir de 1998 instauráronse medidas de control do gasto público e políticas de atracción ao investimento estranxeiro mediante estímulos que comprendían medidas fiscais, que no ámbito dos ingresos supuxo a introdución dun tipo único de imposto dun 19% que aumentou o incentivo para facer negocios e diminuíu a evasión fiscal. O novo sistema fiscal chegou a ser moi atractivo para os investidores estranxeiros, un dos máis favorables en toda Europa. Tamén se estableceron políticas laborais máis favorables aos empregadores, axudas directa aos investidores, ao que se engadía a existencia dunha man de obra cualificada e barata. Con todas estas medidas, Eslovaquia converteuse nun destino moi atractivo para o capital estranxeiro, ata se lle outorgou en 2006 o título «tigre económico de Europa Central».

A adhesión á Unión Europea produciuse o 1 de maio de 2004, xunto con outros nove países (República Checa, Polonia, Hungría, Eslovenia, Estonia, Lituania e Letonia, Malta e Chipre. Desde a súa incorporación, Eslovaquia foi un dos países da zona que maior auxe experimentou, durante a primeira década do século XXI, en 2007 Eslovaquia foi o segundo país da Unión Europea, só por detrás de Letonia, cuxa economía tivo un maior crecemento. Nos seus anos de pertenza á Unión Europea, Eslovaquia realizou esforzos para constituírse como participante da zona euro, co cumprimento dos criterios de acceso á zona euro e a súa definitiva incorporación ao Euro en 2009^[3].