División de Honra de Rugby 2020-2021

Tipo	División de Honra de Rugby
Deporte	rugby a 15
Organizador	Federación Española de Rugby
Número de participantes	12
Localización  e  Datas
País	España
Período de tempo	tempada 2020-2021
Número de edición	54
Competición
Primeiro posto	Valladolid Rugby Asociación Club
← División de Honra de Rugby 2019-20 2021 →

A tempada 2020-2021 da División de Honra da liga nacional de rugby foi a 54ª edición da principal competición entre clubs de rugby en España.

O torneo contou con doce equipos participantes: tres casteláns, dous vascos, dous cataláns, dous madrileños, un cántabro, un valenciano e un andaluz. O Getxo Rugby Taldea e o Club Polideportivo Les Abelles ocuparon as prazas que deixaron o Hernani Club de Rugby Elkartea (descendido) e o Club de Rugby Santander (renunciou).

Por mor da pandemia da COVID o formato da competición foi modificado de xeito que o torneo quedou dividido en dúas fases anteriores ás eliminatorias. Na primeira fase os 12 equipos participantes se enfrontaron todos entre eles unha vez, completando unha volta de 11 xornadas. Ó remate desta primeira fase os seis primeiros equipos da táboa (do 1º ó 6º) pasaron ó Grupo A, e os seis últimos equipos da táboa (do 7º ó 12º) pasaron ó Grupo B. Na segunda fase os seis equipos de cada grupo se enfrontaron entre eles unha vez, completando unha volta de 5 xornadas. Os resultados e puntos acadados na primeira fase entre os equipos clasificados para o mesmo grupo foron arrastrados á segunda fase. Rematada a segunda fase o título se decidiu polo sistema de eliminatorias a partido único no que participaron os seis equipos do Grupo A e os dous primeiros do Grupo B, sendo os cuartos de final do seguinte xeito:

• 1º Grupo A vs 2º Grupo B
• 2º Grupo A vs 1º Grupo B
• 3º Grupo A vs 6º Grupo A
• 4º Grupo A vs 5º Grupo A

Nas semifinais se enfrontaron os vencedores así:

• 1ª Eliminatoria vs 4ª Eliminatoria
• 2ª Eliminatoria vs 3ª Eliminatoria

Na final se enfrontaron os gañadores das dúas semifinais. Tódolos encontros tiveron lugar no campo do equipo mellor clasificado na liga regular.

Dende a tempada 2019-2020 o bonus ofensivo acádase gañando o encontro anotando tres ensaios ou máis que o equipo rival. Por outra banda os puntos bonus defensivos seguen acadándose cando se perde o encontro por unha diferenza de sete puntos ou inferior.

Resultados

Resultados

Resultados

	Cuartos de final				Semifinal				Final
	Alcobendas	21
	Ciencias NP	0
					Alcobendas	43
					Barcelona	14
	Ordizia	9
	Barcelona	16
									Alcobendas	15
									VRAC	19
	VRAC	14
	Cisneros	12
					VRAC	16
					El Salvador	13
	El Salvador	34
	Aparejadores	26

• NP - O Ciencias non se presentou á súa eliminatoria de cuartos de final por mor dun caso de COVID no equipo que provocou a corentena obrigatoria doutros once xogadores. O Comité Nacional de Disciplina declarou vencedor da eliminatoria ó Alcobendas por 21-0.^[1][2]

A final da División de Honra tivo lugar no Campo de Las Terrazas (Alcobendas) o 30 de maio de 2021 e nela enfrontáronse os equipos Club Alcobendas Rugby e Valladolid Rugby Asociación Club, que viñan de ser primeiro e segundo da liga regular e de eliminar en semifinais a Futbol Club Barcelona e Club de Rugby El Salvador. O encontro chegou ó descanso con empate a seis e rematou con vitoria para o equipo visitante, o VRAC, que dese xeito acadou o seu 11º título de liga.

O último clasificado da liga foi o Getxo Rugby Taldea, polo tanto perdeu a súa praza na categoría, que pasou a mans do Club de Rugby La Vila, campión da División de Honra B. O penúltimo clasificado da primeira división (Independiente Rugby Club) e o segundo clasificado da segunda división (Gernika Rugby Taldea) disputaron a promoción o 29 de maio nos Campos de Pepe Rojo de Valladolid, resultando vencedor o equipo vasco por 34 puntos a 21.^[3] Deste xeito o resultado final da tempada foi:

Ascenso: Club de Rugby La Vila, Gernika Rugby Taldea

Descenso: Getxo Rugby Taldea, Independiente Rugby Club

• Páxina oficial da Federación Española de Rugby (en castelán)