Clan MacLeod Emblema Lema: Hold fast ("Aférrate") Perfil Rexión Highlands Distrito Hébridas Interiores Planta emblema Juniper Nome gaélico Clann Mhic Leòid

Xefe Hugh MacLeod de MacLeod (hai un rival reclamando a xefatura)[1] XX Xefe herdeiro de nome e armas do Clan MacLeod Asentamento Castelo Dunvegan Asentamento histórico Castelo Dunvegan Pólas do clan Macleods de Harris e Dunvegan Macleods de Lewis

O Clan MacLeod (en escocés: Clann Mhic Leòid) é un clan escocés das Highlands asociado coa Illa de Skye. Hai dúas pólas principais do clan: os Macleods de Harris e Dunvegan, cuxo xefe é MacLeod de MacLeod, que son coñecidos en gaélico como Sìol Tormoid ("semente de Tormod"); e o MacLeods de Lewis, cuxo xefe é MacLeod de The Lewes, que son coñecidos en gaélico como Sìol Torcaill ("semente de Torcall"). Ámbalas dúas pólas din ser descendentes de Leòd, que viviu no século XIII.

• Castelo Dunvegan, en Dunvegan, Skye: o asentamento dos xefes durante séculos.
• Castelo Ardvreck, en Loch Assynt, Sutherland: construído no século XVI polos Macleods.
• Castelo Dunscaith, en Sleat, Skye: disputado entre os Macleods e os Macdonalds de Sleat.

Tartán	Notas
	Este é probablemente o máis instantaneamente recoñecible tartán dos Macleod. É coñecido como MacLeod de Lewis, roupa MacLeod e mesmo "Loud MacLeod". Non ten asociación identificable cos MacLeods de Lewis Macleods, e orixinalmente foi asociado coa familia Dunvegan. A máis antiga aparición do tartán é no Vestiarium Scoticum de 1842. O Vestiarium, composto e ilustrado por Sobieski Stuarts, é a fonte para moitos dos tartáns de hoxe en día. O tartán foi descrito por Sir Thomas Dick Lauder, nunha carta dirixida a Sir Walter Scott en 1829: "MacLeod (de Dunvegan) ten un bosquexo deste espléndido tartán, tres stryps negros sobre fondo amarelo". Crese que o xefe dos Macleod era un bo amigo de Sobieski Stuarts, xa que lle dera o bosquexo do tartán anos antes de que publicara a súa falsificación.[2] Un crítico contemporáneo do Vestiarium comparou o tartán Macleod cunha manta para cabalos.[3] Hoxe, o tartán está rexistrado pola Autoridade Escocesa de Tartáns e o Rexistro Mundial de Tartáns Escoceses (ambos co #1272) co número de proceso “K32Y4K32Y48R4” e coas core negra 101010, vermella C80000 e dourado papoula D8B000.[4]
	Este tartán é chamado ás veces MacLeod de caza ou MacLeod de Harris.[5] Foi publicado en numerosas coleccións de tartñán como The Scottish Gael de Logan (1831) e a de Smibert (1851). É unha variación do tartán Mackenzie usado por John Mackenzie en 1771, cando levaba o rexemento coñecido como "Lord Macleod's Highlanders". Os Mackenzies din ser herdeiros da xefatura dos Macleods de Lewis, despois da morte de Roderick en 1595. O tartán foi aprobado por Norman Magnus, XXVI xefe do Clan Macleod. Foi adoptado pola sociedade do clan en 1910.[6] Hoxe, o tartán está rexistrado pola Autoridade Escocesa de Tartáns e o Rexistro Mundial de Tartáns Escoceses (ambos co #1583) co número de proceso “R6K4G30K20BL40K4Y8” e coas cores negra 101010, vermello C80000, dourado papoula E8C000, verde 006818 e azul 1474B4.[7]