PROFILPELAJAR.COM

Ciaxares
Biografía
Nacemento	século VII a. C. ; Ecbatana, Irán
Morte	584 a.C.
Rei
Datos persoais
Outros nomes	Uvarkhshattra
Actividade
Ocupación	Rei dos medos
Outro
Título	Rei dos medos (625 a. C.–585 a. C.); Rei dos medos
Fillos	Amitis da Média, Astiaxes
Pai	Fraortes, rei medo
Descrito pola fonte	Real'nyj slovar' klassicheskih drevnostej po Ljubkeru; Dicionario Enciclopédico Brockhaus e Efron; Pequeno Dicionario Enciclopédico de Brockhaus e Efron

Ciaxares, tamén coñecido como Uvarkhshattra, foi o gran reformador e centralizador do poder medo, que aos poucos medrara ao leste do Imperio Asirio.

Traxectoria

Rexeitou as invasións escitas, en alianza co novo monarca de Babilonia, Nabopolasar, e ambos emprenderon unha dura campaña contra o Imperio Asirio, que foi destruído rapidamente trala conquista da súa capital, Nínive no -612.

A partir dese momento, Ciaxares consolidou o Imperio Medo como a nova potencia emerxente do Oriente Próximo, reformando o exército medo segundo o modelo asirio e babilónico, e reforzando a administración e o protocolo da corte de Ecbatana, a capital do reino medo. Casou á súa filla con Nabucodonosor II, para quen este último construíu os famosos Xardíns Colgantes, e emprendeu unha actividade expansiva cara Anatolia, chocando co reino de Lidia, co que mantivo unha guerra con moitas alternativas e que finalizou nunha paz trala batalla do eclipse de -585.

Pouco despois morreu, deixando un reino solidamente estruturado ao seu fillo Astiaxes, quen foi o último rei da súa estirpe por liña directa paterna. Un neto de Astiaxes, Ciro II o Grande, revolucionou o mundo político de Oriente Medio e Próximo, ao se sublevar contra o seu avó e fundar o Imperio Persa aqueménida.